白韻琴早前節目度同謝偉俊真情流露，唔少觀眾都為佢段驚天地，泣鬼神忘年戀而感動落淚，聽到白姐姐話阿Paul好耐都無同佢「親熱」 ，辣妹都戥佢慘，事關女人愈Dry愈易老。咁辣妹早排搭電車遇到白姐姐，見佢只係薄施脂粉搽唇膏，比平時上鏡搽一號超白粉「勁妝」低調好多，不過佢戴招牌豹蚊毛毛帽，頗為搶眼。電車去到天后水星街，白姐姐就落車行入一間美容小店。坐低飲兩啖水，佢就即刻入房做Facial，約莫過個半鐘，先至見佢出返。可能臨近晚飯時間，白姐姐趕搭巴士去屋企附近間魚蛋粉鋪度買牛腩魚蛋加，相信係返屋企同阿Paul撐腳，真係Sweet。其實近睇番白姐姐塊面，做Facial之前真係幾乾，但係做完出就滋潤晒， 升呢變番阿太，所以話女人要青春常駐，淨係有愛情滋潤係唔夠，仲要勤力做Facial先至得！
image
 

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄