男友安志杰要頂替趙文卓拍《特殊身份》，婷婷於是約老豆四哥去馬爾代夫玩，出發前帶埋隻狗行街睇旅行袋。

楊受成出自傳，自爆N年前同某女星有過一段婚外情，外傳拉姑係疑似舊相好，打爛牌坊。對於呢單估估吓緋聞，拉姑懶得回應，有時間探吓孫仔好過！


上個星期五（四月六日），復活節假期開始，拉姑下午三點坐住四哥架七人車，去咗霆鋒租住嘅服務式住宅，落車仲攞住一袋二袋，包括一盒COVA蛋糕。栢芝帶住兩個仔搬咗去金鐘，而家同霆鋒做隔籬鄰舍，拉姑探仔又買定蛋糕復活蛋氹孫，一次過。至於婷婷同四哥兩父女就一齊去咗馬爾代夫潛水，出發前，《壹》仔撞見婷婷放狗，順便睇帽睇旅行袋，為今次氹老豆假期做好準備。兩兄妹各自發功，一人睇一個，公平！ ####


店員唔介意婷婷帶狗shopping，不過佢試完頂帽都係唔啱心水，冇幫襯走人。


四哥兩父女外遊，將七人車借俾拉姑用，當日一到霆鋒屋企樓下，攞住COVA蛋糕嘅拉姑，急不及待跳落車。


拉姑一個人攞住三袋嘢上樓，過咗差不多一個鐘，霆鋒著住短褲離開屋企，留低阿媽陪孫仔！



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄