賭王四房長女何超盈近日竟然在社交網站公然爆粗，打爛「藍血人」招牌，全因為對「E級超蓮」Iris鍾采羲，近日接二連三借醉爭仔打人瘋癲行為睇唔過眼，決定以粗言穢語鬧醒波大腦殘好姊妹。

俾人投訴
貌似賭王三房千金何超蓮的「胸模」鍾采羲，與在夜場結識四房長女何超盈成為好姊妹，蒲場鐵膽形影不離，但近日何超盈卻單方面在facebook指名道姓，爆粗鬧Iris「腦殘」，指對方經常嘈喧巴閉發花癲。
爆粗鬧好姊妹，超盈直認不諱：「係朋友先開名鬧佢冇腦，笑佢白痴。因為早排我哋去朋友度玩，佢又玩到癲晒，嘈到拆天，搞到俾人投訴。」經常失控累街坊，Iris早前亦因飲大兩杯在中環當街爭仔打交，驚動警察到場。
據知，不少朋友對Iris已避之則吉，超盈算大方，仍願意公開撐老友：「唔會因為打交件事同佢疏遠，我知道當日係對方郁手先，佢只係還手。不過，我都勸過佢做人唔可以咁衝動。」好姊妹行徑失控，超盈無奈說：「我都唔可以要求身邊所有朋友，個個都係淑女。」

繼父有錢
俗語話胸大無腦，入行兩年的Iris簡直入型入格，先後跟模Lilian、Jeana（何佩瑜）大打出手，最近又公開鬧Phoebe（許穎）賣弄色情，以性玩具製作藝術品搏出位，四處埋下火頭；加上經常向外標榜富二代身份，更加激起其他模仇富情緒。其實Iris並非含住金鎖匙出世，亦非家住淺水灣。「有錢嘅係佢繼父，住淺水灣冇佢份，繼父幫Iris租咗康怡花園，有張附屬咭俾佢碌啫。」知情者說。 Iris最近更被踢五官在入行前已進行「大裝修」，原貌無樣似超蓮，原裝眼耳口鼻反而與陳年艷星葉子楣及餅碎Angela有幾分相似，假的真不了。

E級超蓮變形記
兩年多前，鍾采羲Iris未入行的照片在網上流傳，令人驚嘆不已的是，她竟像變形蟲進化，由貌似昔日艷星葉子楣，中期進化至餅碎Angela（區文詩），及至入行時終極變身成「E級超蓮」。

變形初期

變形中期

終極變形
####


你癲夠未呀？（設計對白）
Iris的癲鳳行為令老友也看不過眼，超盈忍不住開名鬧爆。


在Facebook內，超盈爆粗直指Iris腦殘，事後對做過事又不肯認賬。


一直標榜出身富貴的Iris，經常與超盈結伴同遊，兩人屬於閨中密友。


早前Iris在中環蘭桂坊鬧事，在街上與人因爭仔大打出手，須出動警察勸交，過程更被人偷拍放上網。


Iris早前隻抽打交受傷照，臉上和頸都滿布傷痕。


Iris行為狂野，在其Facebook內也放有不少她正抽煙的神態迷惘照片。


正版葉子楣


正版Angela


正版超蓮

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄