啱啱做人奶奶嘅森森，呢日一身豹紋到銅鑼灣睇BB車，其間仲同售貨員雞啄唔斷。初為人嫲嫲，係緊張啲㗎喇！

經已退隱多年，婚後移居澳門嘅森森（黎小斌），其乖仔李嘉豪早前喺澳門娶老婆，之後更返嚟香港擺酒，宴請一班圈中好友，實行有咁大搞咁大！誰不知真係搞大咗！原來森森榮升奶奶之外，同時做埋嫲嫲，好快有龍B抱！


日前媽咪姐行經銅鑼灣Sogo，去到六樓嬰兒部，就見到森森好細心睇緊BB車！當日森森睇中COMBI嘅BB車，不斷問售貨員BB車嘅安全問題。媽咪姐仲聽到佢好豪氣咁話：「貴少少都OK，最緊要BB坐得舒服又安全。」後來森森索性圍住架車仔360度不停望，售貨員亦趁機起勢sell，可惜森森最後乜都冇買。不過唔緊要喎未來嫲嫲！阿仔月頭至結婚，龍B應該仲有好幾個月至出世，慢慢揀應該都仲嚟得切！ ####


森森乖仔李嘉豪3月初同女友Anita Lai簽紙，當日Anita已經着外套遮孕味。


森森向來人緣好，早前喺香港擺酒，陳寶珠、嘟姐、李琳琳都俾面出席。


我既係奶奶又係嫲嫲！（設計對白）

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄