'97嫁商人
根據香港婚姻註冊處紀錄， Ponny 97年已跟前夫鄭超武註冊，但陳山聰去年聲稱跟 Ponny已拍拖 10年，兩人更於 08年拉埋，照咁計，陳山聰好難唔牽涉入 Ponny同前夫鄭超武嘅婚姻喎！
當時已為陳太嘅 Ponny，兩公婆同樣愛追求潮流，有指 Ponny更親手將陳山聰打造成潮人，離婚後，陳山聰即時取消了在微博內關注 Ponny，而 Ponny一直保持沉默，只在微博講咗句「天……在看」和對雜誌表示「我好 hurt！」
「唔識佢前夫」
當年借 Ponny埋星堆，如今又有超雲幫拖撐出面，現忙於拍攝《我的如意狼君》嘅陳山聰，上週三被問到前妻 Ponny當年為佢拋夫一事時，陳山聰即表情豐富地說：「我唔知佢之前啲嘢，都唔識佢前夫，總之我哋私底下已經解決，（咁贍養費呢？），之前已經傾好晒所有嘢，亦都希望傳媒畀番啲空間佢（ Ponny）去再次面對番個社會。」吓， Ponny唔係精神病人，佢面對社會有乜問題先？
同陳山聰爭女失敗，啱啱俾超雲喺微博鬧佢，周柏豪即時唔敢亂講嘢，上週四（ 24日）本刊問佢點睇陳山聰當年撬人妻一事時，周柏豪只說：「唔回應喇！」再問到佢現時同超雲關係時，他則說：「有機會就同佢喺微博傾偈，順其自然啦！」
林峯費事睬
一直 friend底嘅林峯及陳山聰，兩人經常研究潮服點襯先型，但自從陳山聰賤男現形後，咁啱林峯又被爆同內地剝模潘霜霜床照，喺早前 16日嘅《回到三國》造型活動中，為咗避免被混為一談，完全同陳山聰零交流，朋友大難臨頭各自飛。
同 Ponny於 2月 14日情人節攤牌後，陳山聰即同超雲於澳門又送過萬 Chanel涼鞋及蛋糕，又送花度佳節，陳山聰落足力氹女，即使最近有傳陳山聰跟前歌手女友謝凱珊有一私生子，超雲仍於微博內力撐，又暗寸周柏豪係小人，擺明撐到行。
梁永鏗律師：隨時分燊家
陳山聰如果有幸娶到賭王千金，真係隨時有得分家產，梁永鏗律師話：「不論男女邊方富貴，即使女方富貴過男方，一旦離婚，男方都有權分女方嘅身家，法律係以尊重婚姻為原則，以正式結婚嘅時間衡量，所以男女雙方都有權分對方嘅財產，不過如果係喺外地結婚嘅話，就要視乎當地嘅婚姻法律。至於贍養費方面，先計算自己開支同收入，再作出決定，唔通得嗰 5千蚊收入都要分一半畀人咩！」
閃得快好世界
陳山聰同前妻 Ponny拍拖之前，期間亦跟唔少女藝人傳過緋聞，不過個個霧水情緣後都搵到好人家，睇嚟跟住賤男真係早閃早着！
留言列表
{{ article.title }}
