特首小圈子選舉話咁快就結束，梁振英喺（小）眾望所歸之下，順利成為新一屆「親西環」特首。媽咪姐唔曉得乜嘢政治大智慧，之不過喺呢個鬧劇一樣嘅選舉入面，只出現一個事實——就係大部分市民都同我一樣，希望今次選舉會流選！正如《忽周》上期訪問53位藝人，當中有28位，即係55%嘅藝人投白票，而喺「3•23影子選舉」中，有成22萬市民投票，結果同樣有55%嘅人投白票。兩次投票，三個候選人：梁振英、唐英年同何俊仁加埋嘅支持率都唔夠一半。好明顯大家都唔想要一個小圈子「選出來」的領導人，只想一人一票揀特首囉！


出名敢言嘅白韻琹同大家一樣咁諗。周一（26日），佢愁住返銅鑼灣嘅新office，一提到CY當選，即時眼泛淚光，「選特首應該係香港人話事，點解佢咁都可以當選？好多人同我講，話佢有仇不報非君子，咁我咪死硬？我真係好驚！我唔係驚佢對付我，因為有排輪唔到我。我驚佢對付唐唐（唐英年），唐唐係一個好人！佢都攞晒彩咯，要有氣量，要皇恩大赦，要學唐唐咁做個有親和力嘅人。就算要做狼，都要做隻仁慈嘅狼、能幹嘅狼。我諗佢都會變成香港版普京（俄羅斯候任總統）㗎喇！不過希望佢做個可愛嘅普京啦！」


####


我真係好驚呀！對於CY能否勝任特首工作？白姐姐好慨歎咁話：「既來之則安之，大局已定，勝唔勝任都冇得我揀。不過講真，最緊要係佢請咩人幫佢做嘢！」


梁太變乜太梁振英未上台已被網民狂叫下台，仲將梁太唐青儀key落由廖偉雄扮演嘅「乜太」個樣度，嘩！睇真啲又幾match喎！


今年22歲讀劍橋嘅梁家大公子梁傳昕都幾俊俏，仲有幾分似近期hit爆NBA嘅「華人之光」林書豪㖭！佢只係放咗張喺瀑布打坐嘅旅行相喺facebook，同阿爸一樣神秘。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄