傳聞有咗 4個月 BB嘅大 S身上嘅婚紗出自日本高級品牌 Katsura Yumi（桂由美），度身訂做最低消費要 13萬人仔，但據知大 S婚戒係全白 K金簡單設計零鑽石，難怪俾小 S窒「眯着眼睛看她的鑽戒都看不到！」網上圖片

老公汪小菲喺婚宴上唔小心爆響口：「為我們女兒許願。」被揭大肚佗 B女嘅大 S婚禮後索性話之你，擺明嫁入豪門隨時唔撈咁款。而小 S兩公婆仲旋即由三亞飛嚟香港瘋狂掃貨，唔鬼睬台灣傳媒，難為第二日（ 23日）返台灣嘅大 S媽俾台灣傳媒在機場圍剿，最後喊住話：「熙媛的委屈就是做媽媽的委屈，我嫁女兒為何要被人批評成這樣？」出嫁咗仲麻煩到阿媽已經不孝， CIA仲喺朝陽嘅微博發現喺婚宴前一日嘅派對綵排內，大 S唔顧肚裏面 BB照飲酒！大 S唔顧大嗰個（大 S媽），好心都錫住個細啦！

 

放大圖片

CIA喺「搜狐」高層張朝陽嘅微博內發現多張婚宴相，呢張係 21日夜晚嘅婚前 party，大 S同汪小菲冇理傳統習俗一樣照見面，不過都唔夠大 S有 B照飲酒咁癲。網上圖片

 
放大圖片

酒照飲
京城闊少汪小菲一向同內地媒體勁友好，出席飲宴嘅搜狐高層張朝陽「玩寸 party」將偷影相當獨家相流出，汪氏夫婦話嬲到要怒告張朝陽，真係告先算啦！網上圖片

 
放大圖片

屁股透視
一班姊妹包括吳佩慈（左二）着住大 S設計嘅紫色雪紡姊妹裙，喺海南島強風下個個屁股差啲透視，大 S整蠱喎！

 
放大圖片

婚禮舉行期間，大 S開頭笑到見牙唔見眼，但交換完戒指後兩個就喊晒口。網上圖片

 
放大圖片

小 S補鑊
有「賓客」唔守規矩搞到場外傳媒勁不滿，一班伴娘姊妹團（左起：蔡康永、小 S、范瑋琪、 Ella）要出嚟做訪問補鑊，小 S仲出埋美腿叫大家息怒。

 
 
arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄