我奸到似狼！（設計對白）相比起劉嘉玲，個人認為陳秀珠做武則天仲正喎！唔使刻意扮嘢，不怒自威，睇落仲好有味道㖭！
角色介紹：
鄭則士飾狄仁傑武則天重臣，公正嚴明，侍母至孝，同繼室曹月同樣熱愛家庭。但為匡扶李氏宗室，不惜同權臣武承嗣抗衡，堅持到底。
黎耀祥飾武承嗣武則天子姪兼權臣，博學多才，被封魏王。因長子闖禍，而仁傑秉公判案，彼此積怨。夢想稱皇，設計陷害忠臣仁傑一家。
陳秀珠飾武則天中國史上首位女皇帝，用人唯才，視狄仁傑、武承嗣為心腹。年事漸高，但親生仔李顯唔成熟，為立太子一事煩惱，好彩有狄仁傑幫忙，母子最終和好。
郭羨妮飾曹月狄仁傑繼室，身世坎坷，善於打造華麗金飾。雖然上有野蠻奶奶狄太夫人（李香琴飾），下有倔強繼女狄青鸞（廖碧兒飾），仍可做到面面俱圓。
陳錦鴻飾宋庭玉妓院兼賭場太子爺，同阿媽（朱咪咪飾）感情深厚。任上校尉，先力追上官婉兒，後同狄青鸞患難見真情。
廖碧兒飾狄青鸞狄仁傑愛女，身手不凡，自小立志做女官，幫阿爸查案。初時對口甜舌滑嘅宋庭玉無好感，後來一齊查案先相戀，但遭阿嫲狄太夫人反對。
唐寧飾上官婉兒唐高宗宰相上官儀嘅孫女，天資聰敏，14歲就得到武則天賞識。後因青鸞破案立功，深得武則天器重，令佢妒恨交纏。
播映日期：
4月2日起周一至周五晚8:30pm翡翠台及高清翡翠台 ####
我叻過豬好多，放馬過嚟!（設計對白）鄭則士一向有戲，同視帝黎耀祥合作，一定好有火花！唔知係咪因為太有火花，搞到今年拍《造王者》，為改對白問題而不和呢？
如果將陳錦鴻換咗做陳豪，你話好睇幾多呢！算啦算啦，世事豈能盡如人意，睇陳錦鴻又總好過睇吳卓羲拍古裝嘅。
黎耀祥飾演嘅武承嗣同堂弟梁王武三思（右，李天翔飾）想謀朝篡位，睇樣就知無好人做！
廖碧兒喺劇中不時闖禍，激親嫲嫲李香琴，好在有阿爸鄭則士同繼母郭羨妮幫口。但郭小姐查實大廖小姐幾年咋！
留言列表
{{ article.title }}
