Yeah！我都要做女車神！﹙設計對白﹚黃浩話兩個女都好旺佢，近年生意做得幾好。好似細女黃心柔（Renee）一出世，Kenny就搵到靚位再開舖，收藏嘅靚酒Lafite又升咗5倍，梗要買架Super Car多謝生女有功嘅Suki！

周一（26日）傍晚，黃浩（Kenny）拎住個袋喺IFC出現，以為佢約咗老婆徐淑敏（Suki）撐枱腳啦！點知Kenny轉頭已經落咗停車場攞車，呼一聲！有架sharp到爆嘅黃色跑車喺媽咪姐面前經過。嘩！林寶堅尼呀，原來黃生新買咗架Super Car，梗要打去八吓啦！


Kenny：「因為自己由97年開始儲紅酒投資，近年酒價升得好快，最近見個價好，就賣咗一批，都賺咗唔少錢。咁Suki話未揸過Super Car，咪買呢部細啲嘅林寶堅尼，諗住方便佢揸。另外，仲訂咗部大嘅，但要出年先有貨。（買咗幾多錢呢？）因為我以前買過兩部呢個牌子嘅車，所以有折。原價大約430萬，依家大概俾400萬啫。」而老婆有禮物時，囡囡黃心瑤（Vianna）都有部mini版Super Car㗎！無偏心。

新「玩具」有幾勁？
型號：Lamborghini LP560-4 Spyder 引擎：V10 5204cc 馬力：560匹極速：324km（0-100km/h加速=3.9秒）


####


Kenny話去IFC為做運動。女細老婆嫩，身體緊要呀！


據黃浩嘅圈中朋友透露，Kenny儲落唔少好年份嘅紅酒，好似1982 Lafite、1996 Mouton同2000 Petrus，平日得閒就請佢哋飲，「佢話投資嘅嘢，無嘢係會無止境咁升，所以見價好就賣出一批靚酒。除咗內地客，有好多歐洲、新加坡朋友都幫襯佢㗎！」


勁過郭富城
Kenny揸過多架Super Car，都係最愛林寶！咁又係，好似城城成日揸出街嗰架法拉利（上圖）， 都只係用緊V8引擎咋。Kenny部新車，用V10㗎！


Kenny話老婆揸車有天份，而大女Vianna亦好鍾意車，成日嗌：「爸爸，車車！」於是Kenny買咗架mini版Super Car俾佢一齊放喺車房。新車就將Suki、Kenny同Vianna三個名組成「SKV」做車牌，代表三人同心， 遲啲就準備投多個「Batman R」俾細女㖭。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄