5月復工 39歲Kelly上週三（21日）誕下細仔劉琛。週一（26日）由助手Leo陪住出院。Kelly難得生咗兩件，4肢仲係咁纖瘦，鍾珍話Kelly的確冇乜肥到，但就冇磅瘦咗幾多喎。

上週娛樂圈喜事多籮籮，諸葛紫岐同Neway二少薛嘉麟與及洪天明同周家蔚輪住結婚外，連懷龍B嘅陳慧琳都喺上星期三（21日），誕下龍B、重6磅半嘅「小龍包」——劉琛。


留院休養6日，週一（26日）下午Kelly終於抱住「小龍包」離開入住嘅山頂嘉諾撒醫院，當日老公Alex同「蝦餃仔」都冇到場，只有經理人鍾珍同助手Leo陪Kelly出院。為怕「小龍包」被記者嚇驚，鍾珍一早已送「小龍包」上車，而當第2任媽咪嘅Kelly則獨自企定定應付傳媒提問。生完兩件身材依然fit到漏嘅Kelly話，BB英文名叫Riley，中文名叫劉琛（意思即好珍貴）。被問到生第2胎會唔會輕鬆啲，直腸直肚嘅Kelly就話：「生仔始終都辛苦！不過我幾日未見過『蝦餃仔』，好掛住佢！老公諗住買架玩具車畀佢兩兄弟。」會唔會追個女？Kelly就話：「等我考慮吓先啦！」生完「小龍包」後，Kelly會留喺屋企坐月，佢經理人鍾珍就同FBI講：「Kelly起碼要休息2個月先會出番嚟做嘢。」即係話最快5月尾就可以復工。 ####


人肉運送 Kelly出院過半百記者到場採訪，為免閃光燈嚇親BB，經理人鍾珍同時帶住BB籃，載住劉琛上一早準備好嘅保母車。


Kelly生B後收到唔少禮物，當中仲有台灣手信，有啲騎呢！


肚脹脹 Kelly出院第一件事，話想返屋企見「蝦餃仔」，因為生完「小龍包」後已幾日冇見，好掛住佢。FBI留意到Kelly四肢瘦，但原來個肚都仲係脹脹哋，好彩Kelly醒目，用件外套遮實，幾時都咁識着衫。


反眼cute Kelly臨生前兩日（即上週一），經理人鍾珍專程去接「蝦餃仔」放學，「蝦餃仔」見到記者仲扮鬼臉反白眼，cute爆。《蘋果日報》圖片

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄