上週四（22日）楊思琦從洛杉磯返港，在機場會見傳媒，而同行的思琦媽及B女Krystal則在禁區由秘道離開機場。

上月底33歲楊思琦於美國誕下女兒Krystal（楊卓穎），眼見空心男友吳帥冇影，痛定思痛，決定母兼父職，女跟母姓，獨力撫養女兒。上週四（22日），剛坐完月的她已急急腳抱女返港搵銀，更話：「我希望盡快投入工作，現在先養好身子同減肥。」為女搵奶粉錢，刻不容緩。搵錢心切的思琦妹，原來一早托公司搭路狂接內地騷，據知下月已有至少2個登台活動在手，不過今時唔同往日，酬勞由昔日1.5萬至3萬人仔，劈價到1萬都照殺，仲要在東莞夜場賣唱。為賺奶粉錢，花旦馬死都要落地行﹗


做單親媽媽需要勇氣，更需要金錢。雖然出道10年的楊思琦，近年密密炒樓投資勁賺650萬，但今次乖乖女形象一鋪清袋，與無綫又只餘下兩年合約，隨時手停口停。

樓債月供10萬
據思琦身邊人透露，思琦飛起吳帥時，已作最壞打算。「思琦在L.A.同吳帥分手時，當時佢已經打電話畀樂小姐，話一生完就想即刻返香港開工，就算未有劇拍住，佢都想接啲登台騷，仲話去夜場都冇所謂。佢個個月都要成10萬供樓，家要靠自己養大個BB，佢梗係搵得幾多得幾多啦﹗不過聽講有啲大陸騷被人壓價，由1.5萬減到1萬，思琦覺得好歹叫有工開，都叫公司幫佢接咗先。」

1萬包唱包玩
思琦雖然貴為花旦，但在內地的身價一向偏低，生B前已活躍國內市場，平均每場活動叫價由1.5萬起至3萬人仔，實行密食當三番，現時則被壓價三成，下月兩場東莞和佛山夜店的半小時酒吧騷，又唱又玩遊戲娛賓都只收1萬，為錢煩惱的思琦冇得揀。不過據知她在香港的接騷能力則保得住，已有多間商場向無綫開出雙倍價錢，希望搶得思琦產後首個公開活動。思琦肯搏又肯捱，接job又唔揀擇，要減輕負擔相信唔難。

狂跌三成
一向搵銀搏命嘅思琦，無論本地抑或內地大小商場、夜場騷都無任歡迎，長做長有。不過就算肯性感肯搏，騷價依然同人氣一樣下跌。

避談吳帥
上週四（22日）思琦抵港後，在無綫高層樂易玲、曾醒明陪同下接受訪問，但當問到Krystal生父等問題，就封嘴唔回應，擺明同男友吳帥劃清界線。

記：（BB）親生爸爸係咪吳帥？
楊：我唔回應喇。
記：會唔會同B女講親生父係邊個？
楊：我會畀心機照顧佢。
記：BB女係咪跟你姓？
楊：BB係跟我姓。
記：同吳帥有冇聯絡？
楊：呢啲都唔講。

前度唔理
週一（26日），之前講過「幫得就幫」嘅李泳豪，聽到前度楊思琦心急搵錢，就話：「唔回應喇！我closed file！」

姐仔三級價
無綫花旦、小花往內地登台，唔同級數收費有高有低，一線花旦賣唱最低消費5萬起，仲只限晚宴、商場滙演表演，外快好易賺！ ####


獨力養B 未婚產女嘅楊思琦，一直未肯透露女兒生父身份，有網友更猜度係李泳豪骨肉，但對比B女近照，確係吳帥餅印（小圖）喎。


《壹週刊》圖片


賣唱價 $1萬5千 ↓$1萬《忽然1周》圖片


工地騷（樓盤活動） $2~$3萬 ↓$1~$2萬


剪綵價 $4~$5萬 ↓$3~$4萬《蘋果日報》圖片


我closed file！真實對白《蘋果日報》圖片



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄