關係破裂冼國林入室大弟子杜宇航，與師妹陳嘉桓同門，3人關係要好。如今杜宇航唔聽話，冼國林已逐佢出師門，連job都唔幫佢接，兩人處於冰封狀態。右：冼國林　師傅兼老闆

陳嘉桓（Rose）師兄杜宇航習武打出名堂，一部《葉問前傳》更成為他的代表作。本來拍住師妹有前途，可惜杜宇航唔生性，詐病推job又私下接其他工作，辣師傅兼經理人冼國林。師徒關係決裂，據知冼國林除已正式逐杜宇航出師門外，更已暫停幫前徒弟接工作。手停口停，扭計杜宇航今鋪大件事。


入行5年，31歲杜宇航做過電影男主角，加上有武功底客串撈到配角做，最緊要係好彩泊到師傅冼國林碼頭，搭住師妹陳嘉桓又新聞夠多，點都可以博到出鏡。

扭計唔聽話
據知仲有3年約嘅杜宇航，公司本打算跟他再續簽幾年，但有傳杜宇航不滿公司迫佢簽約，於是同公司反晒面。知情人士稱：「師兄（杜宇航）話唔想再續約，但公司係都要佢簽，佢咪唔高興囉。佢之前好似識咗個有錢佬，師兄仲瞞住師傅（冼）接埋嗰邊啲job，師傅咪唔like佢囉！」師徒關係惡化，杜宇航都未知驚，仲扮病推工作，但冼師傅仍處處幫口：「我冇聽過佢推job喎，家佢都有嘢做㗎，咁佢都要食飯㗎。決裂？我冇聽過喎！可能忙住其他生意，少見面大家誤會咗啫！」師傅咁撐，杜宇航真係要生性啦！

無故飛起
上週一（19日），《大武當》記招唔見杜宇航出席，原來是主辦單位臨時飛起戲中屬第二男主角的杜宇航（紅圈）。

勉強出席
本月10日，杜宇航孖師妹陳嘉桓出席老人中心活動，據知杜宇航萬分不願意現身。

入錯娛樂圈
6歲開始習武的杜宇航，07年參與演藝工作，正式入行拍戲。曾為香港武術代表隊嘅佢，運動方面成績唔錯，但娛樂圈發展就認真麻麻，雖然曾拍過多部電影，但票房強差人意。 ####


身為武術運動員嘅杜宇航，08年為北京奧運香港站火炬手接力其中一棒。


《葉問前傳》收580萬以一部《葉問前傳》為人熟悉的杜宇航，當年雖擔正男主角，更與黃奕演情侶，但票房未如理想。


《競雄女俠—秋瑾》收290萬去年尾的《競雄女俠——秋瑾》，杜宇航有份主演，與黃奕再演對手戲，但票房一樣差。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄