公司安排就做！真實對白《名媛望族》40集長劇，由上年12月拍到嵋家，4月仲要去上海取景。拍足5個月，吳卓羲都係做第三男主角，但聽聞尾段吳卓羲戲分多番。早前喺中環取景拍打交戲，羲哥心情似乎都係麻麻喎
吳卓羲98年入無綫，同期出道嘅林峯和黃宗澤都撈得有聲有色，連最遲起步嘅馬國明，最近喺《On Call 36小時》都彈起；反而32歲吳卓羲卻走勢平平，始終未能擔正做男一。
《衝上雲霄》'03 上位
03年，馬明和吳卓羲都有份拍《衝上雲霄》，當年吳憑Issac一角彈起，之後更出碟做埋歌星，但9年過後，今日到馬明彈起，羲哥加油喇！
《學警雄心 》'05 接力
吳卓羲同陳鍵鋒一齊做主角，但論搶鏡度，始終唔及陳鍵鋒。
《叛逃 》'11 綠葉
上年同珍姐新寵陳展鵬拍《叛逃》，有指戲分唔及陳展鵬，不過吳卓羲就話：「呢啲你講㗎啫！」
《學警狙擊 》'09 陪襯
學警系列第三集，吳卓羲名義上擔正，點知套戲紅咗配角Laughing哥謝天華。
焗做阿三《名》劇孭重飛嘅劉松仁和陳玉蓮，已經佔咗大半戲分，仲有楊怡、馬明和朱晨麗，吳卓羲就算大奸角都好難搶到鏡啦！
馬明今年愈做愈旺，《On》劇收視高，今年尾將開拍續集，暫定原班人馬，未有新人加入。
吳卓羲女友張馨予一向鍾意mark實男友，今次男友4月返上海拍《名》劇，張馨予實搵位黐仔。《蘋果日報》圖片
宣傳缺席上週一（19日）馬明、楊怡和松哥一齊到影視展宣傳《名媛望族》，反而男主角之一嘅吳卓羲冇影。
今年最令人期待嘅劇集《衝上雲霄2》將於5月開拍，早前節目巡禮吳卓羲有份拍，不過得幾秒shot，反而當日冇份拍嘅馬明，卻同本刊親口證實有份拍，《On Call》效應真係強。
全站熱搜
留言列表
{{ article.title }}
