日頭冧模
柯震東20歲，Jeannie 22歲，雖然女方大男方兩年，但外形相當合襯，可惜戲中無對手戲。

一套《那些年》令20歲柯震東變男神，成為萬千女性渴望筍盤。不過男神又點會咁易被俘虜，自與台灣模女友Cherry黃慶宜分手後，男神一直keep住單身自由玩。
上週三（21日）來港拍新戲《Together在一起》，留港10日，柯震東幕前同Angelababy談情，收工後亦唔愁冇女，朝早與富貴模Jeannie陳瀅同車走，夜晚再同混血辣妹夜蒲蘭桂坊。靚仔日與夜超繽紛。


20歲柯震東憑《那些年》奪金馬獎最佳新人，除成為新一代吸金王外，亦係眾多女性幻想對象，咁多女埋身，柯震東又點會咁易被私有化，難得攻港梗係要玩鋪勁。

富貴模同車
上週三（21日）男神柯震東來港拍新戲《Together在一起》，柯震東要同女主角Angelababy（楊穎）談情，不過女神有海綿蛋糕當然唔過電，好在有戲中另一角色，飾演黃宗澤女友嘅Jeannie陳瀅，似乎對男神勁嗒糖。雖然片中同柯震東無戲分，不過竟然可以坐埋男神架私人保母車一齊走，葡萄死一眾女粉絲。

有米才女
今年22歲嘅Jeannie 陳瀅 ，為Starz People model，雖然知名度唔高，但吸金能力絕對唔弱，除咗1-Day ACUVUE 外，仲有拍過李錦記、Pizza Hut等電視廣告。啱啱喺溫哥華名校UBC Business and Marketing 畢業。Jeannie家底有米，去年本刊約她做訪問，佢自爆老豆喺廣州開商場，有樣有學識又有財，同柯震東好襯呀！

夜蒲老蘭
開工有Angelababy，收工有Jeannie，柯震東仍然未夠喉，一向有鋪夜蒲癮嘅男神，趁上週六（24日）唔駛開工，即到蘭桂坊蒲，而柯震東勁熟架步先到蒲點dragon-i巡場，其間更有一名混血辣妹孖住玩，經常同柯震東有講有笑。對於疑似日夜連環溝女，柯震東即刻解畫：「（有冇泡妞呀？）沒有！我就是怕你們呀，所以我帶了兩個經理人陪我！她（混血模）是我的朋友；至於Jeannie是戲中的演員，我不認識她，只是同車走而已。」 Jeannie則說：「劇組因冇車，又見我同柯震東都住喺九龍（柯下榻紅磡都會海逸），所以坐埋佢架車啫，無特別㗎！」一次生兩次熟，坐多幾次車就加深了解啦！

留港四圍玩
柯震東來港10日拍《Together 在一起》，不過開工唔算太密，除咗去夜蒲外，來港翌日先搵好兄弟房祖名和Eason食糖水，至週日（25日）再到銅鑼灣Baby cafe幫襯，Baby仲話佢迷死員工喎！ ####


《Together在一起》由柯震東，Angelababy孭飛。Jeannie飾演黃宗澤女友，仲有唔少戲分添，新人嚟講算唔錯喇！


急步等埋雖然同Jeannie無對手戲，不過柯震東都好有風度，擰轉頭睇吓Jeannie去到邊先上車。


Jeannie家喺黃埔海韻軒暫住，同柯震東下榻的都會海逸相當近，近水流台喎！


Jeannie雖然未有師姐Carol咁出名，不過上年同李治廷拍1-Day ACUVUE廣告，清秀外貌，相當出眾。


夜孖混血女 Jeannie（左）平時相當密實，但原來身材相當有料，在微博罕有地有一張泳衣相。


港女猴擒柯震東雖然有兩位經理人同行，不過依然有混血索女一齊陪入蒲場dragon-i，搞到柯震東興奮笑晒口。


難得男神出現，唔少港女蒲友一見柯震東，即刻攞出手機合照，柯震東亦來者不拒，同粉絲貼晒面影相。


柯震東唔只同Angelababy拍戲，仲去銅鑼灣幫襯Angelababy開嘅Baby cafe，相當畀面。


柯震東（右）難得嚟香港，除咗去老蘭，仲約埋老友房祖名（中）和Eason（左）食糖水。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄