粗腿樂瞳週日（25日）在東涌海邊跑步，事前做定壓腿熱身，但腰力不足，出盡力，手指都掂唔到腳趾。

去年在《點解阿Sir係阿Sir》演叛逆女K4「中女」彈起，被宅男封為女神的樂瞳，劇接劇未停過，在新劇《當旺爸爸》演鍾嘉欣細妹高如寶賣溫情，上週平均收30點。最近因為捱更抵夜又錄新碟搞到壓力爆煲，但因肥底身形加上狂食減壓，磅數大增。週日（25日）樂瞳在東涌住所附近狂跑步keep fit，不過少做運動的她看來十分吃力。她承認狂做運動係最想減去粗壯的大髀肥肉，不過就有難度：「對腳好難減！」


25歲樂瞳（原名龔茜彤），06年《美女廚房》初曝光、09年做歌星入行，去年執到好籌，在《點解阿Sir係阿Sir》中演活反叛學生妹彈起，之後躍升為無綫新小花，不斷拍劇。在新劇《當旺爸爸》中飾演發明星夢唔讀書的學生妹，現實中卻冇得好食懶飛，事關剛拍完《護花傾情》同重頭劇《大太監》後，《情越海岸線》又即將開拍，劇接劇加上預計10月再出碟，樂瞳正忙於錄音工作，想休息都難。

肥到睇醫生
曾經係高登女神的樂瞳，近日出席《當旺爸爸》宣傳活動時，突然變了包包面，屁股和大髀亦明顯脹了不少。知情人士透露：「樂瞳呢排肥咗成10磅，佢自己都唔知點解，明明最近好忙好大壓力，但偏偏愈忙愈肥，咪去咗睇醫生囉。」週日（25日）早上11時，記者在樂瞳位於東涌的住所附近，發現她在海邊跑步，做完壓腿熱身後開始喪跑，中途又走到公園的體育設施做sit up。不過可能少做運動的緣故，她明顯做得很吃力，腰硬搞到手指掂唔到腳，做幾下就要休息先夠氣繼續跑。

手腳唔協調
做完約一小時運動，記者上前跟樂瞳打招呼。樂瞳忍唔住呻：「之前拍《當旺爸爸》要不停食嘢已經肥咗好多，你知我不嬲下身都肥，大髀又粗，但係對腳好難減！」她又稱最近壓力大導致生理失調：「呢年拍咗幾套劇，捱更抵夜好辛苦！加上我10月出碟，家錄咗7首歌仲未錄完，真係好大壓力囉，有時會爆瘡又皮膚敏感；但唔知點解咁大壓力都愈嚟愈肥，我唔知肥咗幾多呀，醫生建議我做多啲運動，都好嘅，我爺爺係癌症過身，我好驚自己有病。」她又稱自己手腳唔協調：「我手腳遲鈍過人，例如一班人學跳舞，人舉左手我就舉咗右手、人哋右腳踏前我就左腳踏右腳，手腳唔協調得好嚴重，所以我搵緊人教我泰拳，希望改善到啦！」勤做運動，女神回歸有期喇！

慢跑可修腿
跑步減大髀脂肪有冇效？曾為謝安琪、林海峰等做健身教練的Ryan Lee解釋：「相信係因為着高踭鞋多加上企嘅姿勢唔好，導致大髀同pat pat脂肪積聚。想減就要做心跳唔太急速嘅帶氧運動，例如急步行或緩步跑其實都有效。」以樂瞳25歲計算，心跳每分鐘126~136下的運動對消脂最有效，所以慢慢跑都得。

演乜都得


剛拍完重頭劇《大太監》（左）及劉家豪監製的告別作《護花危情》（下），樂瞳4月便接拍《情越海岸線》再演K4式反叛少女，劇集一部接一部令她壓力大增。

女神再現
樂瞳去年在《點解阿Sir係阿Sir》演K4大家姐，一身學生look即躍升為高登女神，套劇播完女神亦下凡；直至最近播映嘅《當旺爸爸》，樂瞳演開心少女，再次被網友放上不同靚相大讚可愛。雖然回響不及去年，但總算女神再現！ ####


肥咗10磅《當旺爸爸》中樂瞳一頭曲髮令包包面更現形。


樂瞳努力喪跑一小時，連上身tube top都鬆埋，不時用手抽起。


跑到一半，樂瞳嘗試玩公園的健身器材，可惜唔夠力，幾經辛苦才屈到起身，做了幾下就要休息唞氣！


星級教練 Ryan Lee


《當旺》明星夢《當旺爸爸》中，樂瞳與鍾嘉欣、胡定欣演三姊妹，首次在劇集擔任第三女主角，對08年才簽無綫經理人合約來說，上位算快。


去年樂瞳自拍泳衣照放上網，當時大髀和下盆已見粗壯，一早應該滅脂啦！


《大太監》妃子


《護花》 模



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄