「美少女集團」出道至今都近十年，幾個少女就嚟變中女，係時候要嫁人。當中好低調嘅「 MM」，大半年前就好幸福咁宣布覓得如意郎君，將會逐漸退出娛樂圈。嗱，佢個金龜婿係遊玩界嘅鉅子，「 MM」梗係唔使做，更加唔使再係「大波」同「走音」嘅鬥爭中做夾心人啦！
殊不知近日圈內傳出，「 MM」四圍放風撈，仲想連模界都做埋，勤力過以前喎！
因乜解究呢？呢啲風好易收料啫，媽咪姐稍為出馬，已經查出真相，一字咁淺，咪係佢俾有米男友飛甩咗囉！原因兩個，一呢就係男方家長由始至終反對。不過乜都假，最重要係個男人變咗心，另結新歡囉。
嗱，「 MM」份人向來冇乜點，媽咪姐亦唔係幸災樂禍，只係奉勤「 MM」一句，依家做女人，都係靠自己好！

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄