多謝老公！（設計對白）
開心最緊要（設計對白）

南華足主羅傑承搞波搞得有聲有色，近年更進軍飲食業，知老婆梁芷珊鍾情茶餐廳，上年七月投資千萬開設「來佬餐館」，同老婆賀壽。最近羅生羅太結婚十周年，叫埋大班朋友開餐慶祝，有份到賀的賭王四太梁安琪，捉實羅傑承傳授愛妻格言：「搵到錢更加要錫老婆。」
最緊要老婆開心，羅傑承立即行動，叫梁芷珊去HERMÈS盡情掃貨，唔使客氣。

 

四太贈金句
十年前情人節前夕，羅傑承夫婦在美國拉斯維加斯註冊，每年結婚周年，兩夫妻愛與朋友一齊慶祝，今年踏入第十個年頭，二人就在自己投資近一億的新蒲店The Tonno內的「上海佬」筵開七席，請朋友歎新派上海菜。晚上七點半，保良局副主席龐盧淑燕、莎莎國際主席郭少明夫婦先後抵埗，還有BMA一哥曹格、Gin Lee、周國賢等到賀。食到一半，跟羅傑承同樣來自澳門的四太梁安琪才現身，身為保良局副主席的她，甫坐下便跟在場的總理敬酒互相祝賀，然後再拉住主人家密密斟。幾杯落肚的四太，據知當晚向羅生羅太傳授夫婦相處之道，提點羅傑承最緊要識得錫老婆，尤其賺到錢，更加要對老婆好啲。坐唔夠一個鐘，四太又要飛車出機場，送兒子返英國讀書，夠晒俾面。

老婆任買
四太一番愛妻論果然有效，原本在較早前訂造HERMÈS蛇皮手袋送俾老婆做結婚周年禮物的羅傑承，即時展開加碼行動，開口叫老婆落鋪繼續買。老公開水喉，梁芷珊亦坐言起行，上週五（二月十七日）接近五點，坐住掛有二人結婚註冊日「213」車牌的勞斯萊斯到達中環雪廠街，下車後，羅太攞住特別訂造的HERMÈS手袋，急步走入HERMÈS店內掃貨，幾乎見啱就買。豪客光臨，店員索性落半閘謝絕其他顧客入內，專心服侍愈買愈開心的羅太。半小時後，攞住價值約十一萬新手袋的羅太先行步出，一行數人的HERMÈS職員，攞住五個大紙袋殿後，再逐一幫羅太將戰利品搬上在附近等候的七人車，滿載而歸。

十一萬手袋
老公撐任買，梁芷珊欣賞的並非銀碼大小，而係羅生份人夠細心，她說：「佢送蛇皮手袋俾我，係因為佢見我用咗個蛇皮銀包成兩年，一直冇換過，你知女人貪靚，手袋銀包成日換，我咁耐都冇換過，一定好鍾意個銀包，所以佢特登訂一個同皮嘅手袋俾我襯番，我覺得呢份禮物，好有心思。」至於在HERMÈS內狂掃百萬貨，她說：「我見到啱就買，應該冇咁多錢。」

名媛恩物
法國名牌HERMÈS是以皮具製品馳名中外，其中以女星Jane Birkin及Grace Kelly命名的Birkin及 Kelly bag，更是全球明星名媛追捧恩物，由於全部人手製作，產量有限，即使熟客亦須輪候，而利用特別材料及指定配色的HERMÈS，有錢都未必買到，只有HERMÈS VIP客戶才有資格訂造。據知，目前HERMÈS VIP的香港名人豪客包括劉鑾雄、前亞姐李妮和羅傑承太太梁芷珊。特別訂製的Birkin Bag及Kelly Bag，價錢亦非常昂貴，當中鱷魚皮加白金鑽石鎖，是現時最頂級的配搭，售價要港幣150萬。 ####

 
梁芷珊將本來攞住入shop的特訂三色HERMÈS手袋放在櫃枱，再開始周圍巡狂掃心頭好。

 
換了新袋，入了大堆貨的她，要職員幫手拎入七人車內，而她則登上「213」勞斯萊斯離開。




十一萬蛇皮新袋。


落半閘


四太跟羅傑承同樣來自澳門，在好友結婚十周年party，她亦大講夫妻相處之道。


姍姍來遲的四太到場後，身為保良局副主席的她，即向一班總理敬酒。


BMA歌手坐埋一枱，見到枱上兩隻金龍擺設，周國賢（左二）即扮大嗌影相，而一哥曹格（右一）則十分節制，全程唔沾點酒飲清水。


出席賽馬日活動，梁芷珊右手的白金鑽石卡地亞錶，是去年生日禮物之一。


慶祝結婚十周年當日，羅傑承在facebook大講夫婦相處之道，又將二人十年前在拉斯維加斯的結婚照公開。




慶祝完結婚十周年紀念，羅傑承的新馬「軍事出擊」在比賽中勝出贏了過百萬獎金，羅太讚老公：「佢買馬眼光幾準㗎！」


身為南華足主的羅傑承，不時玩破格，前年南華舉行發布會，他就搵來一班身材豐滿的外國模特兒，跟球員在自己的遊艇上開記者會。


去年收到接近一億的Sunsecker Predator 115新遊艇大玩具，羅傑承會相約朋友江欣燕夫婦出海玩。




李妮


呂麗君

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄