袁詠儀（靚靚）和張智霖已有心肝椗囝囝魔童，他們一直希望為囝囝增添妹妹或弟弟。前晚靚靚錄影遊戲節目，她坦言不會靠人工授孕，希望順其自然兼可享受造人過程。

由草蜢主持的無綫全新遊戲節目《華麗明星賽》，前晚在將軍澳電視廣播城錄影，請來圈中好友袁詠儀、伍詠薇、黎耀祥和王敏德齊玩多個遊戲，其中試飲不同紅酒，估出最貴的一種，祥仔卻只貼中最便宜的一款，至於其他人也未能估中。

放大圖片
草蜢當晚請來一眾好友玩新遊戲，其中一個是試飲紅酒估價格，卻無人估中。

草蜢當晚請來一眾好友玩新遊戲，其中一個是試飲紅酒估價格，卻無人估中。

放大圖片
伍詠薇和蔡一傑來個錫錫。

伍詠薇和蔡一傑來個錫錫。

祥仔 Chok樣媲美林峯 放大圖片
祥仔擺甫士，他自言 chok樣拍得住林峯，但卻似足羅文。

祥仔擺甫士，他自言 chok樣拍得住林峯，但卻似足羅文。

各人又要行天橋擺甫士，祥仔十足羅文上身，相當搞笑。事後祥仔笑言對擺甫士甚有信心，問是否可 chok過林峯？他笑說：「未必贏得過佢，但絕對可以拍得住。」靚靚行天橋時打底 tube top一度滑下，甚為狼狽。至於王敏德雖然廣東話不靈光，但不時唱歌冧觀眾；最後由靚靚贏出並奪得約 19萬元的獎金獎品。主持草蜢就表示他們錄影前已不時在化妝間頂嘴。有報道指靚靚擇日到廟宇拜神求女，她聞言說：「一直都有求，仲有健康同財富，去廟拜神梗有所求，話我求女，好呀，承佢貴言。」

兔龍 BB與魔童合拍

不過靚靚自言不太心急，並說：「由天決定，我唔會試其他方法，自然啲。」是否要享受造人過程？靚靚笑說：「必然啦，人梗係有七情六慾，唔係上天造我哋出嚟做乜，但老公唔得閒，唔通我單性繁殖咩？」靚靚坦認希望生兔或龍 BB，因為這兩個生肖和囝囝魔童較合拍。記者笑言張智霖在外工作時，靚靚可以探望順便造人，她笑說：「佢開工喎，咁攰享受唔到 o架。」採訪：卓寶花攝影：陳俊強


靚靚前晚為草蜢的遊戲節目做嘉賓，最後成為大贏家得到 19萬獎金和禮物。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄