生活淡淡似是湖水，全因為身邊呢架特別版 MINI Countryman S，令我潛藏野性泛起生氣。點解？兩個字：「夠辣」。過往外表斯斯文文的 MINI Countryman多為新世代中產所愛，而呢架加設原廠 JCW（ John Cooper Works）配件的特別版，外表超 Wild又帶越野味，猛男如我平日長期壓抑，係時候釋放自己狂砌一番！文：阮小天攝影：陳陶鈞Model： Hazel@GME


其他副刊影片 包到實　更誘惑

John Cooper Works改 MINI係有一手！早於上世紀六十年代的蒙地卡羅越野賽，佢已經將 Classic mini改頭換面，實在教人佩服。今次呢架 JCW Sport特別版 Countryman S，就再一次將乖仔變野仔。以為靚女着得越少越令男人亢奮，點知 Countryman S剛剛相反，即使由頭到尾包到實，都一樣令各界仁兄舉旗致敬。車身除加裝了全套 JCW度身訂做的車身包圍，更加設頭尾泵把擾流及兩側裙腳，配上車頭 Cool到爆的鬼面罩，兼一對青蛙霧燈，潮氣十足，型過徐濠縈！另外，為配合全車火辣改裝，車廠特別貼上 JCW出產的 Chili Red車身貼紙，不論車頭、車頂天窗以至車尾位均有雙紅間拉花，配搭黑色車身以及增大至十九吋的胎軨，霸氣外露。即使坐在車內，抬頭一望天窗睇到兩條雙紅間拉花，內裏依然感受到獨特的辣味。

放大圖片
■若然側鏡 mirror cap可以換埋紅色仲有型。

■若然側鏡 mirror cap可以換埋紅色仲有型。

放大圖片
■車頭冚的拉花有個丫叉圖案，增添更多型格。

■車頭冚的拉花有個丫叉圖案，增添更多型格。

放大圖片
■兩側設有擾流裙腳加雙紅間。

■兩側設有擾流裙腳加雙紅間。

放大圖片
■車頂都拉埋 Chili Red貼紙增辣味。

■車頂都拉埋 Chili Red貼紙增辣味。

 

佈局微調　實用性增 放大圖片
■音響及冷氣調節控鈕設於錶下，一目了然。

■音響及冷氣調節控鈕設於錶下，一目了然。

靚女外表有幾吸引，都要有內涵先可以散發出完美的女人味。睇完呢架特別版 Countryman S的外表，立刻跟手摸索埋車廂佈局。發現內櫳唔少位置都有所微調，例如錶板四周加設了電鍍裝飾點綴，令你感覺更 High，而前排座椅則用上承托力甚佳的 Sport座椅，貫徹跑味之餘，又可增強駕駛時的樂趣。最令人欣賞的地方，就係車身儲物的靈活性，後排座椅椅背可獨立摺合打通尾廂，將尾廂容積由 450公升爆升至 1,170公升，誇張啲講句，真係水牛都裝得落。至於規格方面， Countryman S依舊擁有 1.6公升 Turbo引擎，馬力有 184匹，於 1,600rpm至 5,000rpm轉數時則可發揮出最大 24.5kgm扭力，唔單止得個辣外表，操控起上來一樣夠野性畀你睇。另外，好多車主都怕四驅車會好大食，不過 Countryman裝設的 ALL 4四驅系統夠晒體貼，平日只會以前輪驅動，有助慳番唔少油，分分鐘比無能政府計極數都唔拍板的交通津貼更加實惠。

放大圖片
■三個座位椅背可獨立收摺打通尾廂，增強儲物靈活性。

■三個座位椅背可獨立收摺打通尾廂，增強儲物靈活性。

放大圖片
■六前速自動波擁有加減轉檔。

■六前速自動波擁有加減轉檔。

 

放大圖片
■錶板用上電鍍裝飾，有型又簡潔。

■錶板用上電鍍裝飾，有型又簡潔。

放大圖片
■雙紅間拉花一直延伸至車尾尾門。

■雙紅間拉花一直延伸至車尾尾門。

放大圖片
■前後天窗，令車內增唔少空間感。

■前後天窗，令車內增唔少空間感。

放大圖片

 

 

Countryman S ALL 4 JCW特別版

引擎： 1,598cc直四 Turbo馬力： 184ps/5,500rpm扭力： 24.5kgm/1,600至 5,000rpm傳動：六前速自動波，四驅售價：$471,067查詢： 3193 6800（ MINI HK）


■五門五座的 Countryman加辣後，可吸納更多猛男垂青。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄