謝安琪人氣跌，賺錢騷愈接愈少，反而就經常出席慈善活動以保住人氣。
謝晒皮
4大封殺零曝光　謝安琪讓李治廷飛
2011年02月23日
雖然殼王陳國強入主無綫，令 4大唱片公司（ HKRIA）同無綫好似有偈傾，不過現階段依然冇聲氣，搞到 4大唱片公司嘅歌手消失晒咁。
失蹤冇人氣，首當其衝當然係曾經去到一姐位、家撻番落嚟嘅謝安琪。唔只勢頹，搵銀能力亦告急，連阿 Kay米飯班主豐澤最近亦搵新貴李治廷接力。


謝安琪做咗豐澤 3年代言人，每次都以女飛俠造型登場。

4大因版稅同無綫鬧翻，加上 bma亦歸邊加入 4大行列，搞到一眾曾經係一線嘅歌手謝安琪和張敬軒等，要另投亞視、有線幫手，可惜論入屋程度同無綫冇得比，搞到變相消失人氣跌。
失勢收入減
號召力大減，搞到廣告商都對呢班 4大歌手持觀望態度，而曾經同容祖兒有得鍊嘅謝安琪，自 4大事件後，人氣急跌，雖然經常亮相有線和亞視，但無助聲勢，令曾經係廣告商蜜糖嘅佢，上年開始少人搵，去年她仍然死撐：「今年得 2、 3個廣告，好滿足，我重質不足量。」
錢又點會有人嫌多，謝安琪人氣跌係事實，就連佢最大米飯班主豐澤，雖上年 6月同謝安琪續約代言，但豐澤最近就搵咗新貴李治廷幫手，代言「啟動科技」兼唱廣告歌，而週二（ 22日）晚豐澤更舉行晚宴隆重介紹李治廷，反而有約在身的謝安琪，則不在出席之列。豐澤發言人對本刊說：「李治廷係代言豐澤入面其中 1個 label；謝安琪仍然係豐澤代言人，佢嘅廣告上年拍咗亦播緊，今年暫時未有其他宣傳。」張太吸金力 keep唔到，係時候諗諗計！


李治廷唱歌、拍電影都掂，難怪成為廣告新寵，搶贏謝安琪亦好合理。
 
豐澤新廣告搵李治廷幫手，李治廷更為廣告被吊起十個鐘。
 
豐澤發放畀傳媒嘅邀請信上寫明週二（ 22日）啟動科技代言人李治廷會出席晚宴，而且仲有陳法拉、 Mr.、王菀之、張敬軒，反而至愛代言人謝安琪就冇影。

廣告王 
李治廷最近獲意大利品牌 Ermenegildo Zegna垂青，委任為副線代言人。

Ermenegildo Zegna
豐澤
1 day acuvue
美心 mini系列
Bossini
DBS信用咭

謝安琪人氣急跌遭廣告商抛棄 李治廷強勢接力


雖然新買家陳國強入主TVB，令4大唱片公司(HKRIA)同TVB關系有望出現轉機，不過現階段依然沒有任何消息，搞到4大唱片公司的歌手好像消失一樣。

失蹤沒有人氣，首當其沖當然是曾經去到一姐位、現在人氣急跌的謝安琪。不止號召力大減、賺錢能力也告急、連代言三年的廣告商豐澤電器也找了新貴李治廷接力，把仍有約在身的謝安琪打入冷宮。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄