卓能集團（0131）主席趙世曾，一向懂得享受人生，而女伴更是他精采人生中不可或缺的重要元素，「只要係靚嘅，我就欣賞，咁先活得開心。」
身為建築師，趙世曾對美學有自家的一套準則，亦可應用於與各國靚女相處之上，「除咗有視覺享受之外，唔同國家嘅女仔，喺文化背景唔同下，都有特別嘅個性。」
追英踩美
趙世曾心境長青，今年將踏入七十四歲的他，女伴一直團團轉，多年前他已聲稱有逾一萬位女友，而且中、英、澳、港，任何國籍都有，他曾稱：「如果帶晒出嚟，要成個奧運場館先坐得晒。」
對另一強國美國的女士，趙世曾就有彈冇讚，「美國嘅女仔好難相處，佢哋嘅女權主義太強，咩都同你拗一餐，我好多時同佢哋都係火星撞地球。」
趙世曾對女伴的要求，首選也離不開一個「靚」字，「初見面就梗係先睇樣貌；其他嘅就要相處落才知道可唔可以溝通到。如果係躁狂嘅、脾氣唔好嘅，就幾靚都冇用啦！」
鍾愛亞洲
相比英美靚女，趙世曾更喜愛澳洲美女，「我曾經同過一個澳洲model拍咗七年拖，佢好靚，性格亦同我夾得嚟。
「但係到依家，我就覺得中國嘅女仔最好，中國人口多，所以我可以搵到啱自己嘅女仔嘅機會就更多。而且我同佢哋又同聲同氣，溝通都方便好多，中國女仔多數都溫柔啲、嬌嗲啲，啱晒中國嘅男人。」
全站熱搜
留言列表
{{ article.title }}
