一班憤青同社民連拆夥，自立門戶成立「人民力量」，最近得到毓民與大嚿加盟，背後又有蕭公子（蕭若元）嘅「香港人網」支持，聲勢忽然大壯，準備年底區選大舉出擊。

班友為咗加強宣傳，凝聚群眾，最近度出一條新橋，就係搵港姐袁彌明開班，幫一眾「政治宅男」重新包裝，改善老土形象，日後以醒目面貌打選戰。

線人話，「人民力量」班憤青以前只識上網同示威搞嘢，好多人口齒不清，溝通能力低，衣着髮型一係潮過龍，一係不修邊幅，求求其其，行出嚟唔見得人，咁嘅樣去競選，好難討好街坊。

佢哋內部早排開會傾選舉策略，有人提出不如開個形象班，講師最佳人選就係已入黨嘅袁彌明，因為佢選過港姐，又出入社交圈，由佢教班友衣着談吐，一定可以幫佢哋脫胎換骨，而且由靚女講課，宅男一定仆到去參加，上堂一定專心，可以藉此加強內部凝聚力。

袁彌明近年熱心參政，經常上網開咪評論時事，睇嚟好大機會在選舉出賽，所以「人民力量」搵佢開形象班，佢自然一口答應。本刊記者問佢會點教，佢話乜都會講吓，「例如衣着啦，佢哋好多人只識波鞋T恤，其實可以改着Smart Casual，整齊得嚟醒目好樣啲；髮型亦要改吓，有人染晒金毛，班街坊未必鍾意；皮膚點打理，唔好咁多暗瘡，都影響外觀形象o架，呢方面都會講吓。」

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄