電燈柱掛老鼠箱
一高一矮行街拍拖，途人一直眼望望，所以 Jolin同錦榮唔敢拖手攬腰太親熱。

鬼祟過節

仲有個零月就到 2012年，台灣各大跨年晚會已經搶先公布表演嘉賓名單，年年一定榜上有名 嘅兩大天后張惠妹同 Jolin蔡依林，今年居然連影都冇，原來阿妹因為要準備明年 嘅世界巡迴演唱會，決定停唱養聲；至於 Jolin，明明冇 嘢做，有錢唔賺背後原因，原來掛住同男友錦榮拍拖。
前年 8月撻着，拍拖首個除夕夜， Jolin要高雄台北兩邊走唱跨年晚會，當時同錦榮一齊 5個月，已經俾人影到出街、健身、過夜相，為共度佳節，有人見到錦榮戴口罩去到高雄，會合唱完跨年晚會 嘅 Jolin共度佳節。
唔想男友再四圍走，今年 Jolin索性有錢唔賺，一早同公司落 order，推晒所有跨年晚會邀請，舒舒服服同錦榮二人世界過除夕夜。



笑咪咪難得有時間行街街，點知開心唔夠一陣就撞到記者， Jolin搵錦榮做擋箭牌， mark實記者行蹤。

記者

舊年錦榮專登去高雄陪女友唱跨年騷，今年天后索性有騷唔唱有錢唔賺，專心拍拖，保守估計搵少接近 400萬港元。

阿媽反對

天后戀愛大過天，不過 Jolin媽對呢位準女婿就唔多歡喜，一來言語不通，同錦榮冇兩句，二來乖女吸金能力高，單單去年總收入，就有 6億台幣，就算錦榮憑「天后男友」身份工作愈來愈多，但搵錢能力始終同女友差一大截。
所以講到尾， Jolin媽對乖女歷任男友，最滿意都係天王周杰倫，無論身家地位都門當戶對，舊年雙 J再次合體演出，最開心就係 Jolin媽，以為兩個可以愛火重燃，點知乖女眼中只有錦榮一個。
其實唔只 Auntie睇唔過眼，原來連 Jolin爸同家姐、仲有經理人陳澤杉，同樣反對兩個拍拖，經常諗辦法棒打鴛鴦，甚至安排相睇飯局，希望 Jolin諗清諗楚，不過有熟悉天后性格 嘅身邊人認為， Jolin其實天生「包拗頸」，你愈係逼佢，只會帶來反效果喎！



男友搵錢唔多， Jolin唔介意，拍拖歎平價任食火鍋，只係身邊人睇唔過眼，覺得難為了天后！

去年雙 J再次同台， Jolin媽以為兩個可以復合，點知乖女同錦榮打風打唔甩，周董亦都轉口味，鍾情 18歲模昆凌。

全家人都唔歡喜錦榮，家姐同阿媽經常逼 Jolin同有錢仔相睇，可惜天后一次都唔肯去！

其實錦榮一直好爭氣，國語進步咗好多，最近終於有劇拍，同房祖名一齊合作新劇《寶島雙雄》，仲要做大反派！

小豬吸力最強


 

 

阿妹、 Jolin唔唱跨年晚會，最大得益係小豬羅志祥，高雄、台南、台北唱足 3場，吸金 1,300萬台幣，約 340萬港元，成為跨年吸金王！就算雙亞軍楊丞琳、王力宏歌酬加埋一齊，都唔夠小豬多！（下表歌酬以港元結算）

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄