返嚟拍《金枝 2》啦！（設計對白）佢實守唔到寡！（設計對白）睇吓點先！（設計對白）連番炮轟無 綫 嘅林保怡（右），宣傳新劇《天與地》突然唱反調，話自己留晒檔期做宣傳，力撐套劇一定好收視！

早排以「世界好大，將軍澳好細 㗎咋」明寸無 綫 嘅林保怡，呢排轉晒口風，強調對無 綫冇不滿，一切只係言語上 嘅誤會。因為如此，星期一（十一月十四日）佢照樣同陳豪、黃德斌一齊為新劇《天與地》做宣傳。

明明係上年台慶劇，拖到今年過晒台慶先出街，有傳原因係劇中兩大主角林保怡同佘詩曼唔再係無 綫自己友，遲啲播等佢 哋冇份角逐台慶頒獎禮。
身為公司親生仔，黃德斌最勞氣，自稱可以喺劇裡面夾 band唱 rock&roll原本好開心，但拍攝期間陳鴻烈突然離世，加上套劇遲出街，令佢好 feel到何為樂與怒。
至於今年五月同公司滿約 嘅林保怡，呢日亦突然開腔撐無 綫：「驚我攞獎遲播？唔關事，可能個劇比較另類啦！我預晒檔期做宣傳，唔好再寫我對無 綫不滿。」林保怡仲話，上個禮拜去手機活動，咁 啱撞到六嬸方逸華同樂易玲，三個一齊坐低傾密偈，後來六嬸親自夾 咗 嚿蟹肉過佢食，林保怡仲用「好 friend」去形容。原來除 咗雞髀打人牙骹軟，蟹肉都 work㗎！

套劇講夾 band，現場搵 Joe Junior上台唱歌贈興，林保怡跳舞跳到甩褲，但一直為前輩陳鴻烈猝逝耿耿於懷 嘅黃德斌（箭嘴），就一直強顏歡笑。



上個星期四（十一月十日）跟六嬸、樂易玲同場出席手機活動，林保怡自爆六嬸親自夾蟹俾佢食，三個之後有坐低傾偈，但並唔係傾續約。




林保怡話自己而家似半退休，暫時唔拍劇，但上個禮拜去瀋陽出席品牌晚宴講錶經，已經有三十萬落袋，搵錢，大把本事！

arrow
arrow
    文章標籤
    蟹肉 band 十一月 出席 突然 生仔 上套 上年 roll 角逐
    全站熱搜

    stacylife 發表在 痞客邦 留言(0) 人氣()

    E-mail轉寄