訪問 look一早一晚打扮都有分別，尤其係家英哥，經過汪阿姐改造，換過件格仔外套，同老婆襯到絕！

啱 啱 响加拿大拍拖登台返香港 嘅阿姐汪明荃羅家英，上個禮拜五（十一月十一日）又行孖咇連環出席兩個活動，做完港台訪問，夜少少再去新光戲院，睇蓋鳴暉同吳美英合作粵劇《聊齋驚夢》首場。

無論工作同打扮，對自己有一定要求 嘅汪阿姐，現身港台著住膊頭有格仔圖案 嘅橙色上衣，配搭格仔裙格仔袋，連對高 踭鞋都襯埋色，明顯 响屋企諗過度過襯晒色先出 嚟見人；到 咗夜晚睇大戲，阿姐換 咗條格仔長褲，襯過另一對啡色平底鞋，手袋入面仲多 咗件橙色外套，啱晒色 tone。
汪阿姐當然唔會自己顧自己，夜晚幫家英哥大變身，牛仔褲變西褲，黑色外套亦換 咗格仔款色，同老婆襯埋情侶裝。一向有 fashion sense嘅阿姐為 咗襯番家英哥，拍拖打扮主要走平實路線；但佢前一日（十日）出席台慶頒獎禮記者會，就 set晒頭著住橫間套裝，高貴打扮唔輸蝕俾著貼身低胸 嘅胡定欣。



睇戲 look

响港台巧遇張智霖，汪阿姐即刻攞出私家相機，三個排排坐影大合照。


悉心打扮出席台慶頒獎禮記者會，阿姐高貴，胡定欣性感，冇贏冇輸。

今年憑《居家兵團》及《荃加福祿壽探案》獲提名「最佳女主角」及「我最喜愛的電視女角色」嘅阿姐，見到現場擺放嘅足金獎座，忍唔住要摸吓。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄