陳自瑤肚凸凸，唯有靠花球遮遮掩掩，但王浩信就話記者多心，老婆只係凸心口喎！

响「六條一」光棍日註冊結婚 嘅王浩信陳自瑤，星期日（十三日）再喺港島香格里拉酒店補擺喜酒。低胸貼身婚紗現身，盛傳有 咗 嘅陳自瑤，明顯肚凸凸，但新娘子解釋係婚紗設計令人有錯覺，而王浩信就「補飛」加多句，表示會夜夜不設防，等待小生命來臨。

處於三個月封嘴期，八珍明白有口難言，不過有份去飲 嘅賓客唔知係咪睇得《鑑證實錄》多，個個 Pro Sir上身，發覺一對新人成晚以茶代酒，王浩信更逐 枱叮囑，勸各界親朋唔好「隊」佢老婆，卒之所有頂酒重任，落 响兄弟之一 嘅羅仲謙身上，聽講謙仔以一敵百，最後醉到不省人事。
飲大兩杯唔只羅仲謙，仲有 嚟飲 嘅艾威，聽聞一對新人出門口送客，艾威擘大個喉嚨話：「我等飲你 哋餐滿月酒！」八珍信艾威，恭喜王生王太！



兄弟團有組合農夫、黃長興，以及頂酒頂到不省人事嘅羅仲謙。

早排响劇集《真相》入面飾演兩父女，陳自瑤請「 A貨外父」艾威嚟飲，點知俾「老豆」酒後踢爆要飲滿月酒！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄