娛樂八掛大放送★

杜琪峯執導的都市愛情片《單身男女》於下月 31日上映，為配合情人節宣傳，寰亞公司在網上發佈一張情人節賀卡，豈料竟遭惡搞，將原圖的古天樂、吳彥祖各自吻着高圓圓左右臉蛋，惡搞成兩男激咀，基味甚濃。

杜琪峯與韋家輝再次攜手炮製愛情片《單身男女》，今次找來古天樂、吳彥祖（ Daniel）兩大俊男與內地女星高圓圓玩錯綜複雜的三角戀，為了谷宣傳，投資該片的寰亞公司最近在網上發佈了情人節賀卡，祝網友情人節快樂，賀卡原本是兩男吻一女，但網友惡搞成古仔和 Daniel嘴對嘴接吻，高圓圓消失得無影無蹤，戲名更改為《單身男男》，宣傳字句則變作「古天樂愛上吳彥祖」，令兩大帥哥看後哭笑不得。

「情人節變愚人節」

古天樂在賀歲片《最強囍事》扮演娘娘腔的化裝師，維肖維妙，觀眾再看他和 Daniel接吻可能不以為然，不過他本人看後也不能接受，他笑說：「真係估唔到啲網民對我咁好，今日係情人節，唔係愚人節呀！拍戲時錫女仔就多，錫男人我都係第一次，估唔到第一次畀咗 Daniel。」

放大圖片

新片《單身男女》情人節發佈古仔、吳彥祖齊吻高圓圓的賀卡應節。

放大圖片

吳彥祖在新片中與高圓圓有一段情。劇照

Daniel俾老婆扭耳仔 放大圖片

為了爭女，古仔與吳彥祖竟然大打出手。劇照

Daniel看見加工照片後即大笑，因為照片是他老婆首先發現，更扭着他耳仔遞給他看，他笑言：「當時我真係嚇親，仲以為係乜嘢咁大件事。原來俾人惡搞，明明中間有個高圓圓，感覺浪漫好多，不過家咁都幾得意，啲人都係玩吓啫，冇所謂。」導演杜琪峯看到這張惡搞照後即搞笑說：「乜搵啲咁嘅嘢搞呀！我套戲名叫《單身男女》喎！」撰文：葉雪


海報站中間的高圓圓被擦去，變成古仔與吳彥祖接吻。