向來識飲識食的徐淑敏（Suki），前年下嫁飲食才俊黃浩（Kenny）後，除了大飽口褔多美食之外，並培養出品酒的興趣。

兩人西貢愛巢酒櫃的紅白酒、香檳藏量，更足可媲美一間小酒館，儲近二百支香檳、百支紅酒，加上寄存於英國酒莊的存貨，總值估計逾百萬元，難得佳節當前，新春期間招待親朋，實行在家豪飲度歲。

Suki和Kenny豪晒兩人在家珍藏的名貴香檳，價錢絕不可小覷，市價由數千至過萬元不等。

除了極罕有之外，早前發哥周潤發到Qube慶祝生日，笑言未見過這麼大支香檳，一時興起更在上面簽名留念，故有特別紀念價值。

眾多香檳中，以這支年前約萬五蚊拍賣投得的Veuve最有紀念價值，全港僅得三支，以前是Kenny開設的酒吧Qube的鎮店之寶。

藏酒百萬

在老公Kenny的潛移默化下，Suki很快也成為愛酒一族，酒齡雖然較淺，但酒量竟然比老公勝一籌，她說：「記得第一次識佢，成大班朋友一齊去飲嘢，佢係第二個醉，畀人抬走，而我就係最後一個自己走，哈哈。」

雖然輸酒量，但Kenny卻是名副其實的酒專家，愛飲酒更愛珍藏靚酒，在西貢愛巢內，他珍藏的百萬靚酒讓人大開眼界。為確保品質，酒櫃也不能馬虎，Kenny在家中便設有兩個大恒溫酒櫃，存放他堪稱Suki以外的那些「小老婆」，溫度長期保持於十二至十五度，內藏約二百支香檳，過百支紅酒。

家中兩個巨型恒溫酒櫃，長期保持約十二至十五度，確保靚酒的品質，而藏量更足可媲美一小酒舖。

品嘗靚酒所用的器皿也同樣講究，像飲香檳必須用上高幼身的香檳杯，而這幾隻有花紋的水晶香檳杯約需近千元一隻，滿足味覺和視覺的享受。

豪飲十萬

Kenny藏酒有一個習慣，便是將貴價酒放最入的位置，他說：「我試過飲醉，隨手攞起嗰時成四萬幾嘅82Lafite嚟飲，飲完第二日先發現，真係嘥晒。」一說到飲酒飲得「喪」，Kenny即滔滔不絕，大量事例做引證，他豪語說：「試過一次同四個朋友飲咗六十五支Dom Perignon，卒之有個friend嘔足八個鐘頭仲要送入醫院。」而就訪問的前幾天，Kenny和一行四、五個朋友到蘭桂坊Volar消遣，一晚便花掉十幾萬飲酒，他說：「Volar啲最靚香檳畀我哋一晚飲晒，嗰日仲要自己出去買添。啱啱Volar先打嚟叫我落去，話入番新貨啦！」

兩夫妻難得志趣相投，Suki對Kenny嗜酒的愛好百分百配合，除了佗B和初餵人奶幾個月戒酒之外，經常也和老公在家摸酒杯底，唯獨一次對Kenny「酒後亂性」薄有微言，她說：「有次我起身，見到佢拎住杯紅酒畀BB飲，嚇得即刻鬧佢，以為佢醉咗。」在旁的Kenny隨即不慌不忙解釋：「佢誤會咗我，其實我梗係冇畀BB飲啦，係畀佢聞吓之嘛！」兩人言笑晏晏，笑言囡囡Vianna似對酒的氣味頗有興致，相信應該是遺傳了父母愛好杯中物的基因。