從Paco愛將到太子黨重臣，出名走位快的方力申一直備受公司器重，但隨去年龐維仁入主「金牌大風」，小方「轉會」失敗慘入雪櫃，專輯、電影捧足一年蛋。
為求生，小方唯有北上拍劇，由於知名度有限，撈極只係配角，老翻作《大唐雙龍傳》亦屈居陳國坤之下，做徐子陵（即係吳卓羲個角色）。據知，其片酬僅得八千蚊集。近日本刊發現小方在微博大吐苦水，呻冇得、冇假放，日日拍足16粒鐘，人仔你估咁易賺！
金牌選手之名出道，加上本身世界仔性格，在娛圈11年，小方成功歌、影、視三棲，且緋聞多籮籮，當中跟阿嬌與Stephy的兩段情，更令其曝光率攀上一線。
—8千蚊集—
09年伯樂Paco失勢，側田、小肥等愛將紛紛遭殃，唯獨小方極速過檔鄭中基門下，搖身一變成為太子黨，崔建邦、鄧健泓都要嗌佢師兄，被捧為金牌一哥的他，同年一口氣接拍電影《機器俠》、《越光寶盒》，又推出EP《Time Flies》，輕鬆成為最大得益者。
衰在公司變完再變，在龐維仁麾下，小方不受重用，「龐生鍾意大星，佢覺得小方根本未夠班，加上當正佢係太子基心腹，邊有運行？」知情人稱。
結果過去一年，小方工作量大減，歌、影欠奉，連帶倉底貨《出水芙蓉》亦告仆直，被迫展開北上求生之旅；繼跟Stephy合拍《風雨桃花鎮》後，又跟成龍旗下新七小福演出《護國軍魂傳奇》，由於在內地人氣唔高，小方只能飾演配角搵食，老翻林同吳卓羲套《大唐雙龍傳》，佢扮吳卓羲，林主角寶座則落在陳國坤之手，兼夾慘到要扮女人。
「咁多年小方主打香港市場，內地知名度好低，所以人工得8千蚊集，扣埋公司抽佣，一套劇都冇十萬落袋，好睇唔好食。」知情人續稱。
放大圖片
 |
|
|
全站熱搜
留言列表
{{ article.title }}
