陳妙瑛前生意拍檔陳灝而（Janae），於2000年創辦化妝學校Beauty Tech，先後與名人及國際品牌合作，行內外無人不識。

事業得意，家庭方面，Janae於4年前誕下愛女陳逸霖（Jillian），便花心思時間在女兒身上，以她為重心。

不過，在囡囡3歲時，被發現有語言遲緩問題，Janae即時狂谷自己，打理學校以外，還狂上堂聽講座以了解問題，並以全天候多聽多講方式，令女兒康復。她更讓女兒創作天賦得以發揮，3歲便作畫，越洋比賽得優異獎，全方位狂谷資優女。

Janae為Jillian不惜犧牲睡眠時間，每日只睡4小時，也要爭取時間與囡囡相處，以治好她的語言遲緩問題。

Janae認為行萬里路勝過讀萬卷書，所以她常帶Jillian旅行，其中一站為峇里。

Jillian為Janae的掌上明珠，自然萬千寵愛在一身。

自學治言障

Janae身為化妝學校校長，凡事親力親為，雖然公事忙得不可開交，但當發現3歲女兒Jillian有語言遲緩問題，說話發展比同齡小朋友慢，欠缺完整句子及豐富詞彙時，Janae即時聽講座上堂知多一點點，每天更只睡四小時，務求找出問題對症下藥。

「近75%語言遲緩小朋友嘅父母都是很叻，很多更是專業人士，因為工作忙，放喺小朋友身上時間自然少，就算人喺度陪住小朋友，個心都唔喺度，甚至在打瞌睡。」因為深明此道，所以Janae朝早9時起牀陪囡囡，玩足三個鐘，夏天去游水冬天去跑步行山兼傾偈，Jillian中午12時返學後她才上班，每日堅持接放學，每晚更會預先看一遍DVD或故事書才向囡囡講故事。

同時她又觀察到囡囡對顏色觸覺敏銳，便安排她學畫畫，果然，三歲人兒用色鮮艷、構圖有板有眼，所以Jillian的畫曾被老師拿往日本參賽，更得到優異狀，或者是遺傳了媽媽擅於用彩妝色調呢！

Janae全方位培育Jillian，除因女兒運用顏色技巧了得而讓她習畫（右圖）外，Jillian還有學舞，文「舞」雙全。

「公主病」教育

Janae在Jillian兩歲時，曾帶她往東京迪士尼樂園遊玩，因而愛上公主一類人物角色，「東京個樂園嘅氣氛同香港好唔同，無論工作人員抑或遊客都會扮成唔同角色，當時係Jillian第一次見到公主，佢一見到就已經好雀躍，捉住影相，之後去親都要搵公主，買書買玩具都要有公主，就連派對衫都係公主服。」幸好，Jillian只愛公主的美而不是愛刁蠻。

Jillian的「公主病」還相當徹底，甫踏進Janae的家，隨即看到很多粉色系玩具、一列放滿了公主故事書的書架。一開Jillian的睡房門，映入眼簾的盡是粉色系顏色，例如公主牀、公主玩具，還有一堆公主裙；Janae更乘機以公主作為教導媒介，教囡囡禮儀和道理，「我會話公主坐時坐得好定，隻腳唔會周圍郁，條裙又唔會飛起之類，佢一聽就會跟住做。」以4歲人仔而言，Jillian算聽話兼精靈。

Jillian像公主般愛美，是Janae口中的「公主病」。

Janae打算在Jillian小學畢業後，便讓她負笈外地，訓練獨立性。

負笈練獨立

教育方面，Janae稱她未必讓囡囡入讀名校，但就一定送她往外國升學，「我唔捨得佢太細就去外國讀書，我打算畀佢喺香港讀小學先，係咪名校唔重要，最緊要師資好，師生流動性唔好太大，到佢14、5歲至送佢去英國寄宿，訓練佢獨立和自理能力；我有個朋友，佢都係咁樣送個女去英國讀書，回來後中英文都好，人又有禮貌。」

Janae認為，英國學校每年假期多，每次也有幾星期時間，她也可以有多點時間與囡囡相處。