80億王國缺儲君邱淑貞四度驗身搏到盡追人工 B仔快週刊 641期－娛樂八掛大放送★

邱淑貞四度醫院驗身搏命透過科技追生兒子

8月中邱淑貞以42歲高齡誕下小女兒沈星，助老公沈嘉偉榮登城中熱爆外父，雖然連生三女，但仍無損邱淑貞生仔雄心，最近傳出她曾四度到養和醫院驗身，消息指有人正考慮透過科技追生兒子，誓要趁45歲生育大限前，務使市值80億的IT王國出現儲君。

80億王國缺儲君邱淑貞四度驗身搏到盡追人工B仔

8月中邱淑貞以42歲高齡誕下么女沈星，助老公沈嘉偉榮登城中熱爆外父，雖然連生三女，但仍無損邱淑貞生仔雄心，最近傳出她曾四度到養和驗身，消息指有人正考慮透過科技追B仔，誓要趁45歲生育大限前，務使市值80億的I.T王國出現儲君。

日前本刊發現她到中環出巡，產後三個月仍未修身，比陀B前的Fit爆身材最少超標十磅。，既然都追咯，無謂減完又肥過啦！

嫁入沈家11年，邱淑貞息影專心相夫教子，更有指兩人對子嗣同樣緊，故婚後多年一直努力追B，為達成香燈心願，篤信密宗的邱淑貞，多次遠赴印度、尼泊爾拜見高僧，又請來送子觀音在家供奉，祈求上天送大禮。

—連生三女—

結果，邱淑貞先後於01年誕下大女沈月、04年誕下二女沈日，連生兩女，之後六年卻毫無動靜，壓力可想而知。邱淑貞唯有將密宗加碼，近年每次現身例必手戴「護法輪」、頸繫「護身金剛結」，兩件法器同樣有求子神效。

及至本年初，邱淑貞終於再度傳出喜訊，當時傳言實牙實齒指一索得男，無奈8月中出世的是么女沈星，面對記者連番恭賀，沈嘉偉連句多謝都冇，失望之情不言而喻。

雖然香燈夢又再落空，但沈星腳頭之好卻帶挈老竇賺大錢，I.T股價自8月中坐火箭急升，從$3.2一度攀升至$8.22創上市新高，至週五（19日）收市股價仍企硬$6.66，以沈氏家族持有近六成I.T股權計，三個月間帳面淨袋逾廿億。

—誓追B仔—

為有子繼承80億時裝王國，貴為三女之母的邱淑貞仍未放棄追仔大計，「今次又係女，點都有少少失望，不過家醫學咁發達，豆斗話生到50歲都要繼續生，盡最大努力要追個仔。」知情人稱。

醫學昌明，的確成為不少夫婦救星，弊在生仔始終有期限，年紀愈大，自然受孕機率愈低，就算轉為人工受孕，40歲後成功率僅為25%，45歲後更可謂微乎其微，故將近45歲的劉嘉玲早前亦暗示投降，邱淑貞已屆42歲高齡，追仔刻不容緩。

—養和驗身—

近日傳出她曾四次到以人工受孕聞名的養和醫院驗身，惹來人工追B疑雲，有目擊者聲稱曾發現她戴口罩、Cap帽進出養和婦產科，舉止低調，「豆斗先生完三個月，以佢年紀，醫生話最好半年，但佢真係好心急，因為下胎可能係最後一擊，之前生沈星追六年，今次冇可能又追六年，有人諗過不如試靠科技。」知情人透露。

珠玉在前，黎姿靠科技生孖女，李嘉欣又被傳透過體外養卵生兔仔，而「大美人」也承認曾有過聘「代母」的想法；恨仔心切的邱淑貞不心動才怪，但由於本港法例所限，人工受孕亦不能選擇胎兒性別，故據知，暫時一切未有定案，亦不排除到美國尋求解決辦法。

「雖然話科技方便快捷，仲可以增加生仔機會，但最理想始終都係靠自然方法，加上香港有關法例又麻煩，豆斗家都好矛盾。」知情人稱。