亞太區最受歡迎香港男歌星林峯，一連四場紅館個唱，台上台下星光熠熠，嘉賓有天后Kelly、Joey，台下有大劉女友甘比、賭王失戀千金超雲大駕光臨。
做得亞太男，走紅根據地位於廣東沿岸汕尾以南，林峯開騷，紅館場內歌迷幾乎有一大半能操流利普通話，比導遊阿珍口音更北方嘅北方少女，為見偶像不惜南下撲飛，企喺紅館外俾太陽乾煎，熒光棒手提攝錄機相機做足準備；完騷後，過百北妹更將慶功宴場地重重包圍，墟冚場面，近年少見。
邊個話下巴愈嚟愈兜嘅林峯冇資格攞亞太男o架！
辣舞場面仲有徐子珊，尾場加插互相剝衫以及男上女下床戲，紅館場內嗌到七彩。
黃昏舉行拜神儀式，林峯倒神枱酒倒到情深款款，世間罕見！場外歌迷周身臭汗尖叫舉機拍低偶像「美貌」，有人仲熱到用開窿紙巾敷面；到夜晚完騷，過百人連飯都唔食重重包圍慶功宴場地，近十名酒店及無綫保安負責維持人流秩序。
林峯每晚都會唱出多位女歌手經典情歌，包括楊千嬅《可惜我是水瓶座》、容祖兒《痛愛》、衞蘭《殘酷遊戲》以及陳慧琳《誰願放手》，下巴再發育不斷向外伸展成半月彎，林峯應該唱埋王菀之嘅《月亮說》，聲畫可以更配合。
尾場嘉賓有亞太區最受歡迎女歌星、同樣有個半月彎下巴嘅容Joey，兩個台上硬銷新戲《翡翠明珠》，重提戲中親吻場面。
失戀晒事業線嘅賭王千金超雲，原來係林峯忠實fans，多次行出台前諗住握手，可惜次次都失敗。
只係出過兩張個人大碟嘅林峯，要撐起成個騷，老實講，一定唔夠歌，為今之計，除咗唱人口水歌，同時加插多場同女dancer貼身辣舞，增加視覺效果。
凌晨晒馬
好熱呀！
黃昏乾煎
全站熱搜
留言列表
{{ article.title }}
