o靚模寫真戰一觸即發，周秀娜（ Chrissie）噚晚喺旺角某酒樓，設宴兩席為佢本 3D寫真宣傳。離開咗無綫嘅涉貪監製錢國偉，帶咗佢製作公司嘅兩位女新人到場贈興。 Chrissie着咗件谷胸騷腿嘅婚紗出場，現場播放結婚進行曲，佢話：「本寫真最立體係會有個波飛出嚟！」問佢係乜嘢波，佢話大家到時睇吓就知。至於佢嘅身材， Chrissie話：「我成個人都咁立體。」

近日為寫真集瞓身宣傳的周秀娜，昨日上演一場囍宴並播放聲帶稱嫁給fans，笑言不怕男友呷醋。另外，其3D洞房光碟宣傳片昨日網上流傳，片中她當觀眾如老公一樣細心服侍，更以逼爆比堅尼現身替「老公」抹鼻血！

周秀娜化身新娘力谷立體寫真。

昨日周秀娜以婚紗look現身《周秀娜3D法國蜜月之旅》蜜月囍宴，出場時播放聲帶：「我周秀娜願意嫁畀你為合法妻子，一生一世永遠愛你」及敬酒，即場上演一幕囍宴。周秀娜表示要將自己嫁給fans，更言因寫真碟猶如度蜜月，故是次活動設婚宴作配合主題。

心情大靚的周秀娜舉杯向眾人敬酒。

打立體波

對於寫真碟以立體為賣點，問到其身材在碟中也是否立體時，周秀娜說：「係，個波囉，係個足球會飛出嚟，仲有吹波波，成個人都好立體。」至於「婚宴」沒有男友的蹤影，周秀娜即說：「等佢求咗婚先啦。（係咪一求就結？）求咗先算，（恨嫁？）暫時未係時候，依家工作為先。」她續說法國拍攝期間，把攝影師當作老公一樣，至於會否令男友呷醋，她竟說：「叫佢求咗婚先啦！」對於fans惡搞鍾欣桐事件，周秀娜說：「fans對我好好，咁做係唔適當，fans應該體諒佢。」

餵飽觀眾

另外，昨日網上流傳一段兩分鐘的3D洞房光碟宣傳片，片段開始周秀娜對住鏡頭說：「今日你係我老公。」之後主動向鏡頭餵食士多啤梨外，又溫柔的問：「肚餓嘛？我煮嘢你食！」等，令觀眾有第一身之感，即時變為其老公。最惹火的是期間鏡頭以偷窺手法拍在洗手間內照鏡、穿比堅尼的周秀娜，她竟對鏡頭說：「做咩流晒鼻血？」，並用紙巾遞向鏡頭作抹鼻血。短片中，周秀娜以比堅尼戲水及野餐look、性感晚裝「典」地look等示人，其中她穿婚紗時，在陽光下竟透出白色T-Back，十分誘人！