插圖： Wendy
揞名爆
「厚唇」過橋抽板辣㷫「仙丹」
2012年11月09日 ~~ 第902期 忽然１周
近年「厚唇」終於喺公仔箱坐正，佢嘅演技係咪真係咁得，媽咪姐就唔評論嘞！但講到人品呢……有個幕後二五就爆咗單八卦料，大家又不妨聽吓。
話說近年頻頻北上拍戲嘅綠葉女王「仙丹」，有次又接咗部內地劇「麻煩姑奶好叔仔」，劇組知呢位阿姐喺香港公仔箱做得耐識人多，就託佢搵多個姐仔加入。咁「仙丹」諗起早年同「厚唇」合作，覺得呢位妹妹仔都算聽教聽話，就介紹佢俾劇組，有錢齊齊搵。嗰時「厚唇」冇乜機會北上搵錢，對「仙丹」千多萬謝㗎！
跟住，套劇出咗，反應唔錯，劇組想拍續集，又叫「仙丹」搵「厚唇」埋班。呢位自覺升咗呢嘅花旦初初都好快應承「仙丹」，又話會覆佢價錢同檔期。點知轉頭自己走去搵劇組傾價錢簽埋約，激到一心等佢回覆嘅「仙丹」面都黑埋。
事後，「厚唇」仲解釋話：「哎呀，唔好意思，我唔記得你搵過我呀。咁依家都簽咗咯，我私人俾番啲介紹費你囉。」嘩，「仙丹」聽到呢啲說話，更加火都嚟埋，一句質埋去：「唔使嘞！留番俾你自己！」講真句，「仙丹」一向生財有道人脈廣，國內劇長拍長有，點在乎嗰少少錢吖！呢個世界係圓嘅，「厚唇」好自為之啦。 
全站熱搜
留言列表
{{ article.title }}
