Sorry, Sorry!
官恩娜遲大到,苗僑偉「向 sir」上身,猛盤佢做乜遲到,搞到 Ella好驚青。
媽咪姐
三哥玩黑底官恩娜
《雷霆掃毒》係無綫近期收視算好嘅劇集,難怪公司決定開拍續集啦。而憑此劇成視后大熱嘅徐子珊更加風騷,上周四( 1日)及周日( 4日),連續兩日請《雷霆掃毒》一班演員食飯。
珊姐吹雞,眾男演員當然仆住嚟撐,不過女主角就唔多俾面,吳綺莉連甩兩個飯局,官恩娜( Ella)就着住 see through透黑 tube兼遲到搶鏡。不過現實好殘酷嘅,姍姍來遲嘅 Ella,俾三哥同「 chok峯」輪流玩,一個笑佢着 see through,一個話佢拎豹紋手袋,搞到 Ella慌失失耍冧道歉。
林峯唔執輸,玩埋一份,佢哋真係唔識憐香惜玉囉!
林峯見到大閘蟹雙眼發光,拎住部手機係咁影,黃智賢等佢簽 poster等到勁唔耐煩。
多謝兄弟姊妹俾面。(設計對白)