睇吓!(設計對白)
睇咩?(設計對白)
過斑馬線時,蘇永康助手手指向天,好似有好大發現咁。蘇永康亦睇到津津有味,唔通有 UFO飛過鬧市?
媽咪姐
蘇永康露微眼
Big Four開騷在即,四位好兄弟自然頻頻開會。前幾晚,媽咪姐喺中環見到蘇永康,睇佢個款應該都係開完會,左手仲攞住大疊文件匆匆過馬路,不過,媽咪姐有新發現,從來眼鏡不離身嘅蘇康,居然冇戴眼鏡,罕有地露出佢對微絲細眼。
可惜只係曇花一現,因為之後佢揸車去中環附近一個停車場,落車嗰陣,見佢戴番眼鏡喎,可能唔想俾店員見到佢真面目啦。其實,覺得戴眼鏡唔舒服嘅,咪鬼戴囉,又除又戴,為乜搞到自己咁麻煩呢?
一身板仔造型嘅蘇康,過馬路時大踏步,好趕吓咁。
蘇永康去到服裝店已經臨近關門時間,所以行咗十零分鐘就閃人,當然係冇乜收穫咯。