連詩雅有異性冇人性
歌手連詩雅（Shiga）最近被指介入關楚耀的戀情，導致關楚耀與女友分手，Shiga一口否認，自言是個戀愛大過天的人：「我一拍拖就會忽略咗身邊嘅朋友，情緒仲好易受影響，好易唔開心！」她又慨嘆生得太高，難找男朋友：「我好少識啲高過我嘅男仔，矮過我真係接受唔到，因為冇安全感，我想伏喺人心口。」
Shiga笑言5個前男友的身高只是與她平排，愛恨分明的她「再見不是朋友」，不過她亦有心軟的一面：「男朋友一腳踏兩船嘅話，如果佢肯坦白，我都會畀次機會佢嘅。」幸好敏感的她未試過被撬牆腳，好快就Sense到男友與女性友人特別Close。
連詩雅原諒劈腿男
連詩雅自言戀愛大過天，一拍拖便會全情投入，甚至重色輕友。她更揚言就算發現男友劈腿亦會原諒他，是超級心軟的巨蟹女！
每個女生都希望擁有42吋長腿，但連詩雅（Shiga）慨嘆難找男友：「我好少識啲高過我嘅男仔，矮過我真係接受唔到，因為冇安全感，我想伏喺人心口！」拍過5次拖的她自言是個愛情大過天的小女生：「當我鍾意一個人嘅時候，會忽略咗身邊嘅朋友，同埋情緒好易受影響，好易唔開心，佢做少少嘢，我已經好大反應！」
再見不是朋友
愛的反面就是恨，愛恨分明的Shiga非常認同：「我係再見不是朋友嗰種人，愈愛一個人，分咗手就愈難做到朋友！」話雖如此，未分手時的Shiga卻是非常心軟：「我會畀男友3次做錯事嘅機會，就算佢一腳踏兩船，如果佢肯坦白同我講，我都會畀次機會佢。因為我覺得要對好愛嘅人坦白呢樣嘢係好需要勇氣，但如果佢係同咗我個好朋友一齊，我就會即刻死心，一次機會都冇！（試過被撬牆腳？）咁又冇喎！可能我疑心重，如果男友同某個女仔特別Close，我好易Sense到。（會Check男友電話？）如果我Sense到有嘢會問佢睇唔睇得，佢話唔得咁即係有嘢啦！」
另外，早前DJ路芙和阿T舉行「心目中擁有最修長美腿」選舉，Shiga榜上有名，問到美腿定義是甚麼？路芙說：「要合比例同骨肉均稱，其實我覺得有個男仔對腳先係最靚嘅，就係Dear Jane嘅Jackel！」Shiga立即搭嘴：「係呀！又白又滑，個Shape又靚，仲要冇毛！淨係睇對腳真係唔知佢係男仔！」
音樂組
Shiga與舊愛「再見不是朋友」。
Shiga自言易心軟，會原諒男友出軌三次。
路芙和李國能搞美腿選舉，Shiga理應自動當選啦！
留言列表
{{ article.title }}
