連續第3年擔任台慶劇主角，黎耀祥坦言從無壓力，最享受的是拍攝過程。新劇中飾演太監「李連英」的他，首次跟無綫大隊到橫店取景拍攝，效果喜出望外，他更會演出一個與大家觀念「不一樣」的李連英！
曾奪兩年視帝的黎耀祥多年來都擔當重任，連續3年擔任台慶劇主角的他，今次在劇集《大太監》中，飾演大家熟悉的歷史人物李連英，不過他坦言拍前並沒有翻看歷史書，只跟着監製、編審所要的方向去演，出來的卻是「不一樣」的李連英，他說：「太多唔同版本嘅喇，自己嘅做法、角色唔可以同監製唔同，劇集始終係戲劇性嘅，甚至乎有啲背道而馳都未定，歷史同劇本點都會有出入。」
黎耀祥連續第3年擔任台慶劇主角，坦言不會有壓力。
祥仔讚米雪演慈禧貴氣十足。
劇中的李連英由一個冷宮的小太監做起，問到監製對他有甚麼要求？祥仔說：「其實冇乜，但太監係咪真係大家腦海裏面咁『乸型』呢？其實冇人見過太監，呢個只係一個觀念，太監喺唔同時期入宮變化都有不同，所以我哋劇中嘅太監，都會用番正常聲線講嘢。」
對住胡定欣「有心冇力」
此外，戲中祥仔與飾演宮女的胡定欣會有場床上戲，當時太監與宮女一起食飯、打掃，建立了莫名感情，但奈何發生於太監身上，祥仔謂：「嗰場戲講李連英攬住對方，唔知點面對，冇慾望、冇諗法，劇中都有講太監嘅感情生活，好多太監都想娶老婆，生理唔得，都想心理上有溝通。」祥仔更大讚飾演慈禧的米雪有種貴氣，只是坐着已有種氣度。
第3年擔任台慶劇主角，祥仔坦言從來沒壓力，他謂：「我最享受係拍攝過程，拍完我都唔記得晒，過程係最大收穫，過後成績我從來不計較，當然都希望好。」
髮型：Ivan Lee＠Headquarters
服裝及場地：IZZUE
文：影視組
攝：黃叔榮
全站熱搜
留言列表
{{ article.title }}
