博セ呀

Edison又有床照，究竟係唔小心定被出賣，真係得佢兩個先清楚！明星分分鐘俾人利用，但其實娛圈都有真心朋友，尤其係年紀相若興趣接近，更加可以做埋好姊妹！係咪friend足一世冇人知，但反面後應該唔會有淫相流出啩？

G.E.M.李蘊同齡啱傾

同樣只得20歲嘅G.E.M.同李蘊，兩年前一齊拍《愛出貓》成為好朋友，原來佢哋除咗孖住行街睇戲外，又會去對方屋企過夜傾少女心事。前排李蘊撇甩魔術師男友劉謙，單拖上G.E.M.屋企睇電視煮飯仔，仲素顏趴喺床上自拍，玩到攰就瞓一陣再傾過。咁嘅青春生活，真係《那些年》先會有喎！

何超蓮王子涵同性相吸

超蓮鍾意追星係人都知，估唔到佢唔只吼實周柏豪吳克群班男星，私底下同G.E.M.及其他圈中人都好熟！20歲超蓮試過上G.E.M.屋企玩通頂，早幾日萬聖節又約埋王晶個女王子涵去蒲，平時超索嘅超蓮扮吸血殭屍，仲黐曬二撇雞鬼咁man添！

胡杏兒胡定欣同姓三分親

《萬凰之王》熱播，戲中爭寵爭到收唔到手嘅皇後胡杏兒同彩藍胡定欣，戲外其實超friend！呢對胡氏姊妹花平時喺電視城會一齊食飯，唔使開工時又約出去濕平，定欣更喺微博要求杏兒大家姐關注，家中排第三嘅杏兒叫定欣做四妹，果然同姓三分親。

應采兒Yumiko friend底搞鬼

應采兒同Yumiko從未合作過，但兩人竟然超friend，當年應采兒同陳小春去美國註冊都有請埋Yumiko同佢個髮型師男友梁學儲，前排兩pair齊齊去咗布吉度假，早兩日又孖住去海洋公園哈囉喂，應采兒見Yumiko分分鐘多過見小春呀！ ####



女仔最怕冇化妝個樣俾人見到，G.E.M.同李蘊可以素顏對足一晚，應該真係好friend！












G.E.M.（左）親自煮飯畀好姊妹食，仲自稱「廚藝小神童」，點知俾李蘊（上）踢爆佢邊煮邊食，最後要幫佢收拾殘局添！






玩足成晚，兩人第二日又去睇戲，後生女真係好精力！






三個女人一個墟，尤其係三個只係20歲嘅少女，淨係講男仔都有排講啦！






王晶女王子涵（右）求其搽紅個嘴扮驚，反而超蓮落足心機，一件吸血鬼鬥篷再搽到塊面白雪雪，造型殺曬！



「二胡」感情深厚，等埋位期間會互相整蠱，杏兒有靚手袋又會預埋定欣一份，分分鐘親生姊妹都冇咁friend！









杏兒大家姐胡可兒有玩微博，定欣即刻要求關注，愛屋及烏，Bosco學嘢喇！



二胡（紅圈）喺台慶劇《萬凰之王》中再度合作，日前一齊出宣傳活動時，心有靈犀齊齊做「蘭花手」添。



一齊去哈囉喂，呢對玩嘢姊妹花反而冇扮鬼扮馬。



應采兒（左）同Yumiko（右）都係玩得之人，兩個畫曬鬚根扮twins，超抵死！

arrow
arrow
    文章標籤
    G.E.M. 姊妹淘 Face 週刊 233期
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄