FBI File

阿Wind（吳卓羲）同Madam淩（徐子珊）喺《法證3》入面成日出雙入對查案而變成拖友。自從兩人拍劇傳緋聞後，就成日以情侶檔姿態孖住銀，搞到前排正印羲嫂張馨予都詐型。不過吳卓羲原來早就做咗嘢，安撫馨馨，FBI發現馨馨早幾日喺微博上載咗一張自拍相，仲寫明「Thank You、So sweet」，原來相中馨馨戴住隻Chanel J12手表要成4萬幾蚊，睇佢副冧樣就估到係男友所送。



上個禮拜，吳卓羲（Ron）唔知係咪一早起身未食嘢，餓住肚去沙田出席活動，FBI見一完咗活動後，Ron就一支箭揸車走去大圍一間點心鋪買外賣點心，阿Ron落車一見到FBI仲好熱情猛咁揮手打招呼，之後買完點心就上車揸返何文田帝景園屋企。咁深閨，張馨予唔使擔心啦。



無綫近排好似好鍾意啲藝人以情侶檔接job，咁樣叫價都可以嗌高啲，所以除咗陳豪、陳茵媺嗰pair外，見得最多可能就吳卓羲、徐子珊呢pair。

Madam淩車金毛

身為拍檔嘅徐子珊，雖然同吳卓羲傳緋聞，不過都成日被傳媒拍到與不同男士約會，上星期又被FBI發現駕車載住一位金髮型男去中環後先自己走人，貴為無綫花旦都咁好service都算唔話得。

曬幸福

同吳卓羲嘅戀情愈嚟愈公開，身為羲嫂嘅張馨予梗係嗒得杯落啦，家仲得男友大手筆送成4萬幾蚊嘅Chanel J12畀自己，仲唔即刻上載微博曬命咩！ ####



吳卓羲雖然外表cool cool哋，但係份人真係唔話得，一見到FBI就揮手say hi，畀着第二個可能已經黑面走人。



乳神嗒得杯落！（設計對白）睇你好得幾耐！（設計對白）




arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄