早個禮拜，陳茵媺出席完活動，拖住個喼由 iSquare行去海港城，爭取時間 shopping，之後再趕返電視城開工。

廖碧兒搭上李澤楷表弟林忠豪，狠撇陳豪，成為愛情輸家，卻令陳豪好男人形象更突出，大旺事業，自己狂執外，連近日跟他傳緋聞的陳茵媺，亦一樣受惠，幾乎隔日就有賺錢活動，騷價更由兩萬升到八萬，月執過百萬。相對一甩陳豪，形象急插的廖碧兒，五個月零 job零收入，陳茵媺攞晒彩。

二萬變八萬
本來屬二線尾、三線頭的陳茵媺，○六年當選香港小姐後，陳茵媺在無綫游離於二、三線之間，○九年，終於等到算係擔正主角，與黃宗澤在《烈火雄心 III》扮情侶，工作量算穩定的她，自從月前跟筍盤陳豪傳緋聞，身價即刻十級跳，成為廣告客搶手貨，幾乎隔日就出席賺錢活動，曝光率急升。
「依家好多客都主動搵佢，梗係啦，佢出嚟只要講兩句阿 Mo（陳豪），見報篇幅都大啲。以前 Aimee（陳茵媺）一個 job收兩萬元，公司又鍾意搭多幾個藝員一齊出活動，收一嚿錢，咁樣分就仲少啲，依家佢一個人孭晒，都叫到八萬蚊一個 job，都大把人搵！」知情者說。
 
人氣急升，陳茵媺特別風騷，即使發現記者，仍大方繼續試衫購物。
 
得陳豪帶挈，陳茵媺成活動搶手貨，早前出席愛彼錶派對，更被多名外籍高層拉住合照。 
 
拍《心戰》期間，正值陳豪甩拖，令經常跟他有對手戲的陳茵媺有機攝位。
 
黐上陳豪，陳茵媺每次出現都被大班記者包圍。
搏大霧
 
（《蘋果日報》圖片）
近日與陳茵媺合作新劇的蕭正楠，今年初追掂何傲芝，拍拖四個月，但眼見陳茵媺與陳豪的緋聞傳得火熱，蕭正楠竟乘機抽水，放風指自己亦正在力追 Amiee。有傳他在拍劇時向女方大獻殷勤又等收工。但記者問他是否要同陳豪爭時，他卻表示：「人哋未追到手，我一定會去追！」擺明製造話題。

乘虛而入
黐住形象健康的陳豪特別有運行，既然一字咁淺，陳茵媺自然樂意將「搖錢樹」掛在嘴邊。
「 Aimee真係執到支好籌，陳豪啱啱甩拖嗰陣，佢兩個一齊拍《心戰》，有唔少對手戲， Aimee有樣有身材，性格又主動識氹人，嗰排陳豪咁唔開心， Aimee好易就入到位。之後仲俾人影咗佢喺 Aimee住嘅清水灣半島出入，阿 Mo又公開話對自己有好感，加上外界對佢呢一 pair又好接受， Aimee當然食住上，着數晒！」陳茵媺身邊人說。
 
連月來，廖碧兒都無工開，大把時間的她，間中會到置地文華做 gym。
 
去年 12月，本刊拍到廖碧兒與林忠豪返回男方位於淺水灣的大宅，親密關係被踢爆。
自作自受
同一道理，過往廖碧兒與陳豪拍拖，亦一度是廣告客搶手貨， TVB賺錢女王；為此，即使黐上林忠豪，她仍試圖保住與阿 Mo的情侶關係，繼續賺錢。
「 Bernice（廖碧兒）當阿 Mo係水泡，黐咗林忠豪之後，最初都想瞞住所有人，諗住 mark實個屋企有錢嘅，另外又繼續黐陳豪賺錢，佢根本無諗過件事咁快通天！拜金女真相敗露，近呢五個月嚟都無賺錢 job，連之前嘅 Shiseido、 Lactacyd女性用品廣告都俾陳法拉、王菀之搶埋。」知情者說。
不過，自作自受的廖碧兒卻將「食白果」責任全盤歸咎公司身上，甚至試過返無綫投訴經理人部門辦事不力。 
 
去年與未分手的陳豪情侶檔拍廣告賺三百萬，但此情不再。
 
無賺錢 job，廖碧兒仍爭取曝光機會，上週六扮到靚靚出席由鄭兆良做搞手的慈善 Ball。
 
無綫眾小生中，陳豪最有觀眾緣，難怪被喻為城中筍盤。

好帶挈
 
憑住健康好男人形象，陳豪一直深受廣告客歡迎，工作長做長有，更自動帶挈黐埋身的女人，亦一樣行運。舊愛廖碧兒便因為有陳豪陪做，試過擊敗佘詩曼坐上無綫收入榜 No.1，而新歡陳茵媺亦一個月間極速執百萬。

陳豪變搖錢樹陳茵媺同受惠 廖碧兒成愛情輸家

自與陳豪拍拖後，陳茵媺連帶受惠
廖碧兒搭上李澤楷表弟林忠豪、狠甩陳豪，成爲愛情輸家，卻令陳豪好男人形象更突出，大旺事業，自己狂賺錢外，連幾乎跟他傳绯聞的陳茵媺也一樣受惠，幾乎隔日就有賺錢活動，價格更由兩萬升至八萬，月賺過百萬。

相對甩掉陳豪、形象受損的廖碧兒，五個月零工作零收入，陳茵媺大贏！

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄