原本在無錫開工的林文龍，趁有空檔立即回港幾日與老婆到新屋視察裝修。

曾經入住西貢匡湖居五年的郭可盈與林文龍，今年三月期間，忽然再以二千三百三十三萬，翻啅購入匡湖居一間面積一千九百多呎，連一千七百呎花園的洋房。
據知，郭可盈林文龍自覺近年運滯，工作量大不如前，加上之前發生林文龍有外遇、被大陸經理人勒索事件，兩公婆於是搵高人指點，睇過風水後，認為匡湖居才是最旺二人之選，所以就算賣方開價稍高於市價，他們仍心急扑槌，趕工裝修，盡快搬入風水屋。

幫老公抹汗
星期一（五月九日）上午十一點，郭可盈與林文龍一同去到匡湖居新屋，視察裝修進程，據了解，由於上手業主兩年前已豪花三百萬做裝修，是以今次只須略為改動，預計六月中便可以搬住新屋。
現場所見，林文龍落手落腳親自度尺，郭可盈則繑埋雙手睇實老公，間中指手畫腳俾意見，但見林文龍做到大汗疊細汗，郭可盈亦不忘攞紙巾幫老公抹汗，表現細心。
「生咗個女之後，文龍係生性咗好多，顧家又錫老婆同個女，好似呢段時間要去無錫拍戲，佢都要求劇組先跳拍自己嘅戲份，盡量爭取時間，飛返香港兩三日，見吓老婆同個女。佢又唔想老婆去搞裝修啲嘢會辛苦，所以成日返嚟睇住。」郭可盈身邊人說。
 
自從生了女兒林天若後，林文龍終於修心養性。
 
抹汗
老公做到身水身汗，大女人郭可盈都有溫柔一面幫老公抹汗。
 
揀料
上手業主已經將間屋豪裝過，所以他們只需換過部分設計，他們正在揀選牆紙，主力幫阿女間房大執。
 
手指指
郭可盈對新屋裝修意見多多，不時指手畫腳同設計師商量。
 
度尺
林文龍親自落手度尺，對新屋裝修甚有要求。
 
換新車
除了買新屋外，今年二月郭可盈以私人名義買了部 Benz E300新車。
舊屋風水差
決定再住入匡湖居，其實是依從高人指點。自從○七年搬入大角咀壹號銀海，兩公婆便經常有拗撬，事業亦停滯不前，最大鑊是林文龍在大陸拍劇時有外遇，與大陸女星董維嘉搭上，有傳當時林文龍想離婚，之後更引發起內地經理人汪子琦勒索事件，愈爆愈大鑊。
壹號銀海的風水唔夾，為求甩手，二人○九年以低於市價出售手上的相連單位後，再以月租七萬元搬住西貢松濤苑。
「可盈同文龍都覺得以前住匡湖居嗰段時間（○二至○七年）最好景，事業感情都好順，佢哋問過風水師，都話匡湖居最夾佢哋，搵到錢之外，仲會夫妻關係和睦，所以佢哋睇咗唔夠一個月，就決定買呢間屋。」
 
兩年前林文龍在大陸拍劇時與女星董維嘉有染（左圖），結果被前內地經理人汪子琦（右圖）勒索，搞到他們兩公婆一身蟻。
 
旺財旺桃花
郭可盈夫婦新居位於匡湖居二期東西向，稱為乙辛向，大門向正西，堪輿學家楊天命表示，根據二人出生八字，新居極旺財運，兩人會賺大錢，女人會旺財旺夫，對林文龍有利，但男主人則旺埋桃花，偏向多女人埋身。「如果要擺嘢化解到無桃花，相對財運都會冇埋，所以唔會咁做。」楊天命說。
至於舊居壹號銀海六座的相連單位，屬子午向南北，旺是非。「如果主人係做政府工、醫生、律師等專業人士就會好好，佢兩夫婦都係做娛樂事業，會有好多拗撬同是非，都幾麻煩。」
 
郭可盈新屋景觀開揚，對住整個遊艇碼頭。
 
壹號銀海

郭可盈防林文龍有外遇 買2333萬風水屋洗晦氣

曾經入住西貢匡湖居五年的郭可盈與林文龍，今年三月期間忽然再以2333萬購入匡湖居一間面積176平米連150平米花園的洋房。

據知，郭可盈林文龍自覺近年運滯，工作量大不如前，加上之前發生林文龍有外遇、被內地經紀人勒索事件，兩夫妻于是找高人指點，看過風水後，認爲匡湖居才是最旺兩人之選，所以就算賣方開價稍高于市價，他們仍心急購入，趕工裝修，盡快搬入風水屋。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄