上週二（ 3日）近黃昏 5點，喜兒「門禁」時間將至，同行男生惟有陪佢返學校交還借來的籃球，但途中 o靚版陳冠希疑似激親喜兒，搞到佢嬲到一手搶走籃球晦氣行先，而班觀音兵亦只有低頭死跟。
叛逆 13
真人版 K4　林憶蓮女校園惡晒
2011年05月11日
做人父母甚艱難，尤其係單親。天后林憶蓮自從 04年與李宗盛離婚後，母兼父職湊大獨女李喜兒（ Renee），讀緊北角半山國際學校 Grade 8、 13歲喜兒正值青春反叛期。本刊收到讀者報料，指自恃有巨星媽嘅喜兒不但在校內聯群結黨、杯葛同窗，橫行校園媲美 K4嘅中女；在外則日日流連球場波牛，儼如甩繩馬騮。
44歲憶蓮近來除忙於巡迴演唱及今年 9月在港開騷掘金，加上去年又與細自己 11歲嘅鼓王恭碩良傳緋聞，私事家事俱煩。囡囡變 K4中女，憶蓮要睇實呀！

97年誕下喜兒的林憶蓮，與李宗盛的婚姻只維持 6年，及後憶蓮與初戀情人陳輝虹翻撻，但有傳佢怕愛女難受而分手。憶蓮為補償自幼缺乏父愛嘅喜兒，當年離婚回流返港時，已不惜每學期花費十多萬入讀九龍塘「耀中國際學校」栽培愛女，後來再為愛女轉校。


7歲出手
05年 7歲喜兒就讀本地小學已相當貪玩，更被影到當街摑同學面珠兼扯頭髮，成個牛王精咁曳喎！《忽然 1周》圖片
 
愛狗如命
去年 6月憶蓮大方帶喜兒到「香港愛犬之家」（ Hong Kong Dog Rescue）領養唐狗 BB女 Dizzy，唔少愛狗之人都讚憶蓮教女有方。《壹週刊》圖片

「中女」橫行
現於北角半山國際學校就讀 Grade 8嘅喜兒，因其明星二代身份，加上樣子早熟，比同輩甜美，在校一直係風頭躉。但日前有讀者向本刊透露，喜兒最近竟糾眾排擠針對班中一位新生，更於 facebook上掀起罵戰！
據報料人士表示：「學校個個都知 Renee係林憶蓮個女，唔少人都覺得佢好威、想黐佢做 friend，雖然同佢玩開都係同一班人，但佢喺學校勢力都幾大，所以當佢話要杯葛嗰個同學，好多人即刻唔敢得罪佢 say no。」
不過據林憶蓮的身邊人透露，憶蓮對女兒甚為愛錫，給予極大自由度。「憶蓮同囡囡相處好似朋友咁，喜兒細細個就好老積，加上佢讀國際學校，英文好好，唱歌同畫畫都好叻，所以有同學仔睇佢唔順眼都唔奇。憶蓮都知自己身份，所以都有叫喜兒喺學校要盡量低調！」


待遇有別
本刊多日觀察，發現喜兒與 1女 3男同學經常聚埋一齊，結成「 K4」，其中跟「 o靚版陳冠希」感情最好，上週四（ 5日）放學後當眾咬耳仔傾密偈一樣冇半分尷尬，而喜兒更面露陶醉笑容。


上週二（ 3日）喜兒離開籃球場時，屬「 K4」之一嘅四眼同學仔一路傍住佢折返校門等司機，沿途不斷撩女神傾偈，心有所屬嘅喜兒唔多理睬。
 
長髮女神
下週二才滿 13歲嘅喜兒雖然遺傳咗爸爸李宗盛嘅大鼻，但亦繼承咗媽咪嘅白皙膚色，加上一把濃密長髮，望落有幾分似大眼版王菀之。

司機代執女
本刊於上週連日觀察，發現喜兒與 1女 3男同學較為親近，儼如現實版 K4。每天放學，一行 6人均相約於學校門口，再前往鄰近寶馬山籃球場打波睇波嬉戲吹水，與時下一般流連公園球場、有家不願歸嘅中學生無異。
作為 5人重心嘅喜兒亦大方「萬歲」益死黨，盡顯阿姐風範。其中更見一位四眼同學如觀音兵般，不時殷勤伴隨在側，但只見喜兒鍾情一位「 o靚版陳冠希」的男生，二人不時交頭接耳，旁若無人。一到黃昏 5點，心野喜兒都會乖乖折返校門前，等司機接載返回赤柱寓所。估唔到有性格嘅喜兒，最怕係門禁喎！


玩度高
寶馬山公園籃球場似乎係「 K4」聚腳鐵竇，佢哋除咗席地而坐吹水，又玩度身高，柴娃娃 hea時間，但睇嚟大家感情唔錯。(校服色經特別處理)
 
齊量地
 
擒欄王
o靚版陳冠希睇落斯斯文文，實則坐唔定，貪快寧願爬圍欄擒入籃球場，但身手唔錯，難怪得喜兒歡心。
 
上月 17日憶蓮到北京出席胞弟林泳頤嘅日本料理店開幕禮，而週日（ 8日）母親節更再返北京與母親及弟弟過節，反而女兒喜兒就冇媽咪陪。網上圖片

喜兒 fb變戰場
喜兒 facebook除咗珍藏咗同爸爸李宗盛、知己朋友嘅合照之外， 4月中在 fb塗鴉場更出現插班生留言斥責喜兒，更有同學不斷加入戰團，掀起口水戰。
在喜兒嘅 facebook上有一幅以多張即影即有菲林相砌成心形嘅照片，發現有多張李宗盛的相片，其中亦有父女二人合照，但睇勻 fb都唔見有媽咪憶蓮，喜兒唔通知媽咪低調唔想出鏡？ 


真心 friend
該插班生指喜兒自恃英文流利兼係明星女而講說話中傷人，而喜兒就留言澄清冇講過之餘，更指有人揑造事實，後來愈講愈激動仲唔覺意爆咗粗添。 


明星二代大追蹤
17歲潮童葛仔
同係明星二代嘅葛民輝之仔，因名字從未曝光而一直被稱為「葛仔」，由於父親阿葛極少提及妻兒，兩母子生活低調如同「玻璃人」。現年 17歲嘅葛仔，長得眼大鼻高，與阿葛「零父子相」，上週四（ 5日）見佢放學後由媽咪 Mini如常揸車送去銅鑼灣補習社，夠晒好感情。


低調葛嫂 Mini（區祖凝）揸住由阿葛登記、屬潮系車種 CLS系 Benz到銅鑼灣接囝囝返淺水灣，親自管接管送放心好多。
 
老婆 Mini
 
純白 Air Force I$599
就讀大潭道香港國際學校嘅葛仔，自細已係傳媒焦點，離開校門都分外留意四周環境，先上由媽咪揸嘅車。
 
Justin Bieber齊蔭頭、 DPTY× Fingercroxx× 4A
快 17歲嘅葛仔樣子生得較似媽咪，青靚白淨之餘亦相當高大結實，加上一頭媲美 Justin伯 ieber嘅齊蔭髮型，着埋件老豆自家品牌 4A嘅特別版 tee，正牌潮童唔會失禮老豆。
 
週日（ 8日）晚上 10點首播由阿葛做主持嘅《吹水同鄉會》，搵嚟鄭伊健同蘇民峰等做嘉賓，但網友就覺得唔夠三姑吳君如嘅《星星同學會》好睇喎！ 


14歲童童獻花
另一樂壇天后王菲之女竇靖童， 14歲嘅佢由 TB四眼波牛，刻意扮靚戴 con.變清秀少女。而母親節當日，唔只佢在微博 post上鮮花相獻王菲，哎吔老豆李亞鵬更分享一張 06年王菲陪患兔唇嘅女兒李嫣到美國做手術時嘅相片，更形容為「人生最美的一瞬」。


偉大王菲
母親節當天，李亞鵬於微博上載一幅王菲手抱孻女李嫣於美國大宅嘅照片，當時 06年李嫣喺美國進行唇顎裂手術，而李亞鵬亦有提到快 5歲嘅李嫣親手做禮物送畀媽咪。
 
05年王菲與李亞鵬及童童一家三口到北京朝陽區香滿樓晚膳，當時仍未娶王菲的李亞鵬，多年來一直視童童如己出。《壹週刊》圖片
 
少女晒
今月初，童童自拍放相上微博慨嘆要開學，樣子愈大愈清秀靚女嘅佢相比去年 TB波牛 look，相信令唔少男同學刮目相看。
 
晒靚花
母親節當日中午，童童以自拍形式，將送畀媽咪嘅一大紮康乃馨和白牡丹拍成照片上載微博，仲話「 Happy Mother's Day」，超孝順！
 
絕密大宅曝光
06年 10月尾，本刊獨家拍得王菲舉家前往美國安排 5個月大的李嫣，接受手術時期暫住洛杉磯外公家嘅生活相，王菲照顧手術成功的女兒不假於人，洗奶樽亦親力親為。

林憶蓮女兒校園惡行 青春反叛如脫缰野馬

做人父母甚艱難，尤其是單親。天後林憶蓮自從04年與李宗盛離婚後，母兼父職養大獨女李喜兒(Renee)，正在香港北角半山國際學校上學，13歲的喜兒正值青春反叛期。記者收到讀者報料，指自恃有巨星母親的李喜兒不但在校內聯群結黨，杯葛同窗，橫行校園，在外則日日流連球場，俨如脫繩馬骝。

44歲林憶蓮近來除忙于巡回演唱會及今年9月在港開唱賺錢，加上去年又與小自己11歲的鼓王恭碩良傳绯聞，私事家事一起煩。女兒正在青春反叛期，林憶蓮要看緊啊！

林憶蓮女真人版 K4

 


arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄