二汶上週首場開騷，唔見 Ellen捧場。二汶一講到舊拍檔獨自搵銀，立即作揖講句：「唉！恭喜佢囉！」走人。
下年是 at17成立 10周年，雖然二人會為 10周年再次「復合」搞連串活動，但其實近年二人早已「冇偈傾」，由 1年前宣布「分開吓」後，不和逐漸浮面！
Ellen恃才
其實一直以來二汶主唱、 Ellen主彈，大家分工合作，本來相安無事。不過有指 Ellen恃住彈得一手好結他，又識編曲，寧願轉型做結他手，單拖跟巨星如陳奕迅、容祖兒等開騷搵食，丟低二汶搵真銀。
容祖兒上年 11月舉行的 number 6演唱會、陳奕迅上月在成都開世界巡迴騷，亦邀請了 Ellen任結他手，有得撈樂手之餘， Ellen更單飛出碟，上年推出翻唱王菲的《 Summer Of Love》細碟， 5千張賣斷，近月趁勢出國語新歌〈雀斑〉，形勢大好。
「肥人（二汶）見阿妹（ Ellen）成日出埠幫班巨星彈騷，梗係有少少眼紅，加上二汶自己唔續約東亞， Ellen留低出碟就更加傾唔埋。雖然佢兩個之前都有講過話分開發展吓，但出面好多人都唔知，繼續搵佢兩個出活動，但佢哋各自都同人講，唔想再俾人孭住 at17嘅感覺，睇得出佢哋唔想再一齊嘅態度同決心！」知情人士說。
認有嗌交
相反二汶近年只做過電影《前度》配樂、還要自資才能在藝術中心開《給前度的音樂會》，賺蝕都要獨力承擔。難怪二汶上週開騷，提到前度拍檔 Ellen即發晦氣。
F：《 FACE》 林：林二汶
F：有冇請 Ellen嚟睇？
林：佢聽日（上週五）嚟。
F：自己一個人開騷有冇輕鬆啲？
林：緊張到震呀！得自己度，都未諗到講乜。
F：你話過同 Ellen有分歧喎。
林：我哋性格係完全唔同嘅，所以好多時有唔同睇法。
F：有冇嗌過交？
林：有時啦，難免。
F：點睇 Ellen同其他巨星合作搵大錢丟低你唔理呀？
林：唉！恭喜佢囉！（雙手出力合攏，晦氣說完即轉身走人）
留言列表
{{ article.title }}
