燒大虎蝦$138（右）足 9吋，不過燒海中蝦$68（左）鮮味些。麻辣一口蝦$68/8串（中）脆到可連殼食，但麻辣不足。

試食王

串燒也清新

2012年12月27日 ~~ 第1190期香港《壹周刊》

尖沙咀長龍店川燒老闆 Aska和著名插畫家 Paul Lung，最近合資在銅鑼灣食廈駱克駅開設近年大熱的燒烤店，店名「心燒食堂」由黃偉文所起，開幕更請來王菀之、小儀和張繼聰等歌手明星捧場。名堂多多，火速成為人氣店，個個朋友都話要去撞明星。

餐廳分兩層，上層可以坐二十多人，下層有三間 VIP房。好彩提早一日訂位，星期三也全場爆滿。雖然滿座，感覺不逼狹。最難得，室內完全沒有油煙味，十分清新。牆上掛上 Paul Lung的貓畫，養貓友人不斷大叫可愛，好似望住幅牆就夠晒滿足。沒有大部分串燒店的嘈雜不堪，但氣氛輕鬆一流。
對環境唯一不滿，是燈光較暗，點心紙上的串燒菜式看得我眼矇。好彩有服務搭夠，問一句「有乜好介紹？」侍應幾乎跪下講解每款串燒特色，笑容滿面態度誠懇，今時今日真係好難搵。

燒櫻花蝦芥末腸$20台式香腸很惹味。

心燒雞翼$28
皮脆香口，可惜有點乾。

田樂茄子$68肥大肉厚，烤得剛好肉嫩不過腍，味濃亦香鮮。

汁燒豬膶$28（前）酥香軟潤；心燒免治雞肉丸$34/串（後）
醬汁香郁，肉丸彈牙。

燒豚肉巨峰卷$32
肥豬肉包提子十分 juicy，味道香甜，推介！

燒一口朱古力蛋糕$36
幾特別，像焗得十分脆身的心太軟外層。

上層酒吧有調酒師坐鎮， Tropical Smoothie$60
有奇異果香，清新解熱。

川式加日式燒烤款式選擇多，還有心燒龍串鳳、燒豚肉巨峰卷、燒酒釀雞子和燒一口朱古力蛋糕等創意串燒。燒豚肉巨峰卷的配搭十分出色，一清一膩帶出鮮甜。豬膶、田樂茄子、龍串鳳、飛魚卵腸和免治雞肉丸很香口、白鱔肉厚彈牙、一口蝦蝦殼脆卜卜。大部分串燒都有水準，夠火候且不油膩。但部分串燒有兩個問題，如牛脷芯、雞翼和蝦，燒得有點乾身，少了肉汁。另外麻辣不足，怕辣友人竟然可以狂食麻辣鴨舌，嗜辣友人要添辣粉加辣。
店中的特飲也不錯，邊吃邊喝，飽肚後，把口沒有大陣燒烤味。四人埋單千五、六蚊，因為朋友大食，張單似超市單咁長，以此質素，價錢算合理。

試食當日，大牆上不斷投映 Paul Lung畫作，現在已換上小克作品。

評分

食物：★★★ 1/2
服務：★★★★
環境：★★★★
價錢：★★ 1/2

試食王　　　　　　

喜歡外出用膳，也喜歡誠實，不相信飲食網站的所謂評分，也怕了所謂食家獲得優待後的意見，情願隱姓埋名，真金白銀，測試飲食雜誌飲食網頁捕捉不到的真實一面。

心燒食堂
地址：銅鑼灣駱克道 487號駱克駅 22至 23樓
電話： 2383 8686

名牌朱古力 tea set

朱古力 tea set$198/位
可試勻不同口感味道的朱古力甜品。

收到朱古力禮盒，當然開心。但總覺得頂級的朱古力，剛剛在朱古力店的玻璃櫃中取出時，最醇美濃厚。看來法國朱古力名牌 Jean-Paul Hevin也十分認同， IFC及擺花街店最近推出全日供應的朱古力 tea set。 Tea set有朱古力蛋糕、 macaron、朱古力及茶，朱古力狂迷不可錯過。推介到擺花街店，坐在 Boutique et Bar a Chocolat朱古力吧上享用，感受置身巴黎的閒逸。

Jean-Paul Hevin
地址：中環擺花街 13號
電話： 2851 0633
營業時間： 10:30am-8pm

味千　牛肉鐵板飯

肥牛鐵板飯定食$55
牛肉片厚薄適中，鐵板上也不至乾身。

拉麵店競爭大，連鎖店唯有出奇招吸客。無得鬥專，味千拉麵唯有鬥多元化，推出與拉麵完全無關的牛肉鐵板飯。 3款鐵板燒包括肥牛、麻辣肥牛和牛里脊鐵板飯定食，熱辣辣上枱，最啱對抗寒冬。美國牛肉配上粟米粒、葱花或蒜片，香口惹味。定食配上麵豉湯及前菜，分量十足，價錢由$55至$75，很抵食！

味千拉麵
鐵板飯供應分店：西洋菜街、新鴻基、德福廣場及皇室堡等 17間分店
查詢： http://www.ajisen.com.hk