早知叫埋志偉幫手啦！（設計對白）
生得唔高， Shirley攞住個袋幾乎掂到地下，仲攞到個樣都灰埋。
同你吟一吟
關淑怡碼頭咕喱
相隔五年，明年二月初再有機會 响紅館開演唱會 嘅 Shirley關淑怡，為 咗谷飛谷人氣，由 cool爆天后變開籠雀，又自爆個仔見過傳聞生父曾志偉，做足宣傳。
誓神劈願 2013年事業要重新出發， Shirley忙開騷，更要忙湊仔。上星期五（十二月二十一日）末日無 嚟到， Shirley夜晚七點幾 响銅鑼灣搭的士去中環 ifc嘅 city'super入貨，由牛肉到烏冬再買埋果汁。唔……是夜晚餐，唔係牛肉湯烏冬就應該係打火鍋。
買完兩大袋走人， Shirley沿住天橋行去碼頭，準備坐船返入愉景灣。去到碼頭入口已經頂唔順，要將購物袋放地下抖一抖，點知條氣未抖順，架船已經開閘上客， Shirley唯有死頂趕上船。難得要開騷，擔擔抬抬當運動囉！
行到碼頭入口，終於頂唔順要放低抖一抖，其間個斜 孭袋又差 啲跌落地，好狼狽！
購物籃滿到瀉， Shirley一共買 咗五大包肉，之後再行去凍櫃買果汁。
講住電話準備上的士，點知司機大佬拒載開車走人， Shirley當場呆一呆。
舊年演藝界舉行 311日本海嘯籌款活動， Shirley帶埋仔仔一齊去維園義演，順便帶佢見成龍 uncle。
全站熱搜
留言列表
{{ article.title }}
