美國安胎  

33歲大話妹楊思琦唔認有「餡」，暗撻前香港跳水隊成員吳帥，狠撇拍拖9年嘅李泳豪，以為過咗海就神仙。本刊得悉她早在9月尾，已靜雞雞同阿媽飛咗去LA安胎，家吓個肚仲籮咁大，據知明年春天，生咗龍B嘅楊思琦，才會與母親回港。未婚產子，入行前做小學Miss嘅思琦姐認真開放。

 
楊思琦同吳帥屢傳「分」訊，原來通通只係煙幕。失蹤近3個月嘅思琦，雖然被李家上下鬧到體無完膚，但她一直甘願做負心人，繼續同吳帥愛得轟烈，至今已懷有吳帥9個月龍B。

明年春天回港
今年中，思琦知道有「餡」，已經決定去LA產子，嗱嗱臨book咗9月中機票，醒目思琦先同阿媽去視察環境同搵醫院。知情人士說︰「知道有咗，佢（思琦）已經停晒手頭上嘅工作，無綫只有樂易玲一個人知，其間仲幫手放風畀傳媒，話思琦同吳帥已經分咗手，唔想咁多狗仔隊跟住。」為免突然失蹤令人起疑心，身在LA嘅思琦突然活躍於微博，10月時，她剪了短髮，每隔幾日就更新，又變得胃口大開，勁食甜品，又嗜吃酸味味西柚，得閒就落廚煮牛肉烏冬，刻意製造假象，令人以為佢仍身在香港。 據知，思琦打算2月生完龍B，在美國「坐完月」後，初春3、4月正式返港。而BB老豆吳帥在這段期間，不時由大陸飛到LA會合女友。對於未婚生子，其實楊媽媽都有微言，知情人士續說︰「唔只佢阿媽，連身邊有啲朋友都好反對，不過思琦性格怪怪哋，人細細粒，但就好硬頸，冇人阻到佢。」

產後或息影
據了解，吳帥亦唔希望思琦做太耐未婚媽媽，計劃待思琦生完BB後，6月將會娶女友過門，而婚禮會分別在中港兩地舉行，返香港第一時間就註冊，香港行禮之後，就再返吳帥祖家大排筵席。婚後，思琦更好大機會息影，專心湊B做賢內助，思琦身邊好友說︰「思琦向樂小姐請咗1年假，但繼唔繼續做呢行，思琦仲心大心細，不過呢幾年佢事業都冇咩起色，可能湊吓仔仲好。」

安胎日誌
到達LA之後，思琦繼續在微博製造假象，多數只上載食物照片，來來去去都係pancakes、芝士蛋糕同雪糕，唔肥唔食。而最新一次（12/12）上載一張月光照，思琦仲話︰「今晚的月光特別圓」（左圖），唔通LA嘅月光同香港唔同？

鼎爺收火︰希望佢健健康康
6月28日，思琦突然宣布與李泳豪9年情玩完，過程高潮迭起。思琦接受無綫訪問哭訴分手感受，鼎爺隔空開火：「佢最叻就係標眼淚，最醒就一哭二鬧三上吊。」本週一記者致電鼎爺，都有心理準備被問候，點知聽到思琦正在LA安胎，鼎爺冇火之餘，仲幫思琦講好說話︰「我真係唔知，已經冇聯絡，（嬲完佢未？）從來都冇嬲過，佢係細路女，如果真係就生，我希望佢健健康康、開開心心。」 ####


秘密到美國安胎嘅思琦，據知連香港一班朋友都停止聯絡，不過失蹤差不多3個月，又點會唔令人起疑心？


阿媽陪月《蘋果日報》圖片


不少大肚婆專登去LA待產，包括當年深得李澤楷寵幸的Isabella。


最後露面思琦在9月20日出席最後一個公開活動，當時已經決定到LA安胎待產。《蘋果日報》圖片


9月初，已有身孕嘅思琦仲要做埋司機，接送阿媽同吳帥離開清水灣半島住所，比起做跳水隊成員時期，吳帥身形脹了幾個碼，難得思琦唔嫌重口味，照樣為愛郎生B。《壹週刊》圖片


同李泳豪分手之後，網上流傳思琦母女於南京shopping時的照片，令思琦跟吳帥的關係曝光。網上圖片


最初思琦拒認劈腿，但突然又認與前港隊跳水運動員吳帥撻着，拍拖9年一朝分手，成為本年度十大娛樂新聞之一。《忽然1周》圖片


思琦5月先同李泳豪慶祝生日，6月28日突然單方面宣布與拍拖9年李泳豪分手，2人先後接受訪問時哭訴。


思琦自9月完成節目《寵愛有家》後便「失蹤」，專心在家養胎。《忽然1周》圖片


為免大肚曝光，剪了清爽短髮的思琦，人在美國只上載大頭照片到微博。


數度鬧爆思琦嘅鼎爺，竟然話從來冇嬲過思琦。《蘋果日報》圖片

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄