探熱針
以大欺小 寸嘴黑面 高海寧現形
唱對手瞓細床
早前因為與老闆「殼王」陳國強傳緋聞，高海寧聲淚俱下否認，表現委屈！查小欣《爆足一周》腰斬，無綫安排高海寧夥拍蘇民峰，趕製風水節目《順峰順水》應急，與此同時，傳出高海寧寸爆，對節目中一班女拍檔何傲兒、彭慧中、袁嘉敏及應屆「最上鏡」港姐岑杏賢擺晒款，自覺高人一等的她，每次開工，都指住四女逐樣彈。
據悉，和高海寧拍得最多的何傲兒最受氣，每當她著得稍為性感，高海寧便一臉不悅，毫不客氣寸對方：「你使唔使著得咁 sharp，搏咩呀！」其他人亦一樣被她兜口兜面寸著衫難睇、化妝醜，甚至一見拍檔講對白食螺絲，高 Ling姐更加會黑面侍候。
「高 Ling好大聲話人 哋化妝化得醜，但一見啲拍檔稍為著得靚 啲，佢又全日黑口黑面。總之乜都唔啱睇。有次上咗袁嘉敏屋企拍家居風水環節，之後高 Ling就同啲同事唱袁嘉敏張單人床細，唔係人 瞓！蘇師傅都無彈間屋唔掂，佢反而彈三彈四，我 哋聽完都想問，佢住得有幾巴閉，瞓緊張床係咪 king size！」一名幕後說。
鏡頭前高海寧對一眾女拍檔好 friendly，但鏡頭後有傳她的態度寸到爆！
黑面恰新女
上週五，應屆港姐岑杏賢拍高海寧主持《順峰順水》，她因新手講對白頻食螺絲，高海寧即皺晒眉，俾面色人睇。
藐爆
在旁的蘇師傅安慰岑杏賢，叫佢唔使緊張，反而高海寧唔耐煩，擰歪面藐爆嘴臉！
零交流
不用對鏡頭時，高海寧對蘇民峰同岑杏賢無乜交流。
不滿阻收工
上週五（十二月廿一日），高海寧拍住應屆港姐岑杏賢和蘇師傅於港島高街拍外景。現場所見，今非昔比的高海寧，連試位都唔使，一切交蘇師傅與新女岑杏賢搞掂，待二人試好晒位，躲在外景車的高海寧才施施然埋位，一副阿姐格。
而平日對住鏡頭親切的高海寧，鏡頭後其實 cool爆，跟岑杏賢全無交流，與蘇師傅也是一句起兩句止。
由於岑杏賢經驗淺，頻食螺絲，覺得有人阻住收工的高海寧即時有晒反應，怒睥對方外，又擰歪面藐晒嘴，十分不耐煩；唔似得 孭飛的蘇師傅，俾人累 NG都保持笑容，對新人予以包容。
高 Ling唔試位
正式拍攝前，蘇民峰同岑杏賢要落地試位，而高海寧則躲在外景車等候，十足阿姐一樣。
試好晒位，高海寧才埋位拍攝，今非昔比！
因不甘被著短裙的拍檔何傲兒比下去，有指高海寧曾兜口兜面寸對方博搶鏡，又常找機會窒她。
剛當上咪神的高海寧，拍飲食節目同樣好搏，穿三點式浸泥漿浴，噴血場面震撼搶晒另一拍檔陳庭欣鏡。依家上咗位掉唔番轉，介意別人搶佢鏡。
對於高海寧擺款，部分拍檔不願置評，被恰得最勁的何傲兒，則阿 Q話當高 Ling講笑。
何傲兒：當佢講笑！
「就算彈，我諗佢係玩吓，我當佢講笑！我 哋成班女仔開工只希望開開心心，千祈唔好話我同佢不和。」 
袁嘉敏：我同佢兩種風格！
「呢個節目我好少同佢拍，人 哋 嘅 嘢我唔想 comment，只可以講我同佢根本係兩種風格 嘅人。」 
彭慧中：唔知俾人窒！
有指彭慧中曾被高海寧寸她化妝技術同著衫品味差，但因她鬼妹仔性格，故啃咗骨都唔知。 
留言列表
{{ article.title }}
