經理人跟店員熟落，致電叫對方返鋪頭開門。
大膠袋內裝住 24K獎座禮盒。
探熱針
又一傑作 候查亞男朱曉輝 手緊賣金獎
來自北京的應屆亞洲先生冠軍朱曉輝，當選後被踢爆跟陳冠希父親陳澤民有斷背情，又拍過「遮雀」艷照，上月底再被踢逾期留港，遭入境處發行街紙保釋候查，一個獎換一籮是非。
早前，朱曉輝秘密來港協助調查期間，手緊的他趁機將亞男冠軍 24K金獎座套現，多幾千蚊「責」袋好過！
店鋪職員收獎座後，朱曉輝隨即跟經理人離開。
得獎後，朱曉輝跟兩台獎座合照放上微博。其中 24K金龍擺設獎品，他已在金飾店變賣。
王征好朋友
上週四（十二月十三日）下午一點多，密實格仔衫卡其褲唔再晒肌的朱曉輝，由經理人小 B陪同坐七人車到亞視，與高層葉家寶到貴賓房午飯，直至兩點半才離開。
「王征同朱曉輝係好朋友，喺北京會約埋出嚟一齊玩，佢今次比賽得獎，都係因為老闆應承撐佢，會介紹嘢俾佢做；所以佢嚟香港，啲高層都會幫手招呼，嗰日成餐飯都係咁問住佢證件單嘢搞成點。」有份出席飯局工作人員透露。
飯後，亞視安排七人車接載朱曉輝到佐敦恒豐商場。發現有記者尾隨，手拎大袋的他跟經理人表現慌張，在商場內走來走去，直至經過一間 24K金飾擺設專門店，經理人停低打電話，唔夠三分鐘，店鋪職員開門，朱曉輝從手中大袋攞出亞男冠軍獎座放上櫃台，經理人小 B則負責跟店鋪職員對話。
在 GUCCI睇中西裝褸，朱曉輝愛不釋手，但最後都冇買走人。
來港協助調查，亞視派出七人車接他到電視台食飯，然後再送他到佐敦賣金。
齋睇唔買
據了解，由於亞男獎座並非實心，即使變賣後所得數目亦唔夠五千蚊。朱曉輝跟經理人在店內全程避鏡，交易完離開時更回應說：「我 哋會喺香港逗留幾日，因為有 啲 嘢做。」
二人之後坐地鐵到金鐘太古廣場行名店，在 GUCCI逗留了接近半個鐘，其間朱曉輝對其中一件西裝褸流晒口水，但始終得個睇字。
朱曉輝今次到港，葉家寶表示他是被邀來港協助調查。「而家暫時未知情況係點，總之佢搞清楚啲手續，亞視一定同佢有合作，我哋有好多嘢俾佢做。」
至於朱曉輝何以變賣獎座，經濟是否出現問題？葉家寶說；「我諗冇，佢同我講喺內地有好多嘢做，除咗幫中央電視台教體操，仲參加咗一個舞蹈比賽，另外佢有模特兒工作，唔會冇錢 嘅。」
參選亞洲先生比賽，習慣赤裸露肌的他（中），著住內褲行 catwalk，比其他人表現更自信。
前年被拍到跟陳澤民在利園撐枱腳，他解釋對方是突然出現，並跟他傾電影工作。
未選亞洲先生前，朱曉輝拍過超過四千張艷照，其中一張用草帽遮雀，他堅稱是健康性感照。
有鋪參賽癮的他，之前曾上過內地人氣節目《舞動奇跡》教張馨予、黎諾懿跳舞。
跟王征認識多時，早前王征帶頭示威反發免費牌活動，他做舞伴打氣亦零舍落力。
騎呢台
王征上場後，—直處於弱勢的亞視果然有「突破性」發展：新聞報錯死訊，台慶趕客，掌舵人示威跳馬舞，醜態百出！加上節目連環零收視，真係難得！
誤報死訊
向來認真的亞視新聞，去年七月未經官方證實，誤報中國前領導人江澤民死訊。王征一句唔知情，新聞部高層孭鑊，魯莽報導令亞視蒙羞，新聞部士氣不振。
台慶空櫈
老闆成笑柄
留言列表
{{ article.title }}
