朱晨麗盆骨移位隨時冇仔生

有份表演台慶跳繩網舞的上屆港姐冠軍朱晨麗於綵排時弄傷腰，死忍痛楚的她頂硬上完成凌空倒吊演出。但之後傷處愈來愈嚴重，標晒眼水的她終難抵痛楚，昨日去看脊椎專科，醫生發現其盆骨移位，處理不善隨時影響生育！難怪只得24歲的她憂心忡忡驚冇仔生，可謂「賠了盆骨又折兵」！

今年無綫台慶焦點環節「女神愛上網」，徐子珊凌空一字馬技驚四座，焦點完全落在她身上，可是有份做陪襯的朱晨麗卻在綵排時不慎弄傷腰，滿以為食幾粒止痛藥便冇事的她，原來連日飽受痛楚煎熬，搞到昨日要睇專科急急治理。

要做電療捱二千針

朱晨麗昨午4時許拿着X光片獨自現身中環，只見穿平底鞋的她雖然略施脂粉，但難掩滿面愁容，一拐一拐到一商業大廈睇脊椎神經專科。當記者上前慰問，朱晨麗表示因為預約關係，故要準時到達診所，待會才接受訪問。

攞藥時，朱晨麗細心聆聽護士吩咐。

朱晨麗邊行邊按着傷處，一臉愁容。

見她接受個半小時治療後，面容更形憔悴。朱晨麗表示醫生除為她做物理治療外，更替她做電療，捱了二千多針。她說：「醫生幫我移骨時真係好痛！」原來自弄傷腰後，雖然一直忍受極級痛楚，但為了表演，惟有食止痛藥、消炎丸和貼鎮痛貼頂硬上，直至前晚更痛到標眼水，她與家人和經理人商議下，決定昨日睇專科尋求斷尾。

朱晨麗（中）日前死頂痛楚，與岑麗香（右）及李雪瑩表演「女神愛上網」。

朱晨麗不介意性感示人，經常被邀出席活動。現她盆骨移位，必定影響收入。（資料圖片）

有傳朱晨麗與李晉強拍拖，但兩人死口唔認。

朱晨麗說：「尋晚（前晚）真係痛到喊，就去照X光，頭先醫生睇完後，就話我尾龍骨有一節凸咗出嚟，其實係舊患。但新傷係發現我有長短腳，原來係盆骨移位，搞到一邊高一邊低。」她深知盆骨移位可大可小，一旦處理不善，隨時影響生育！只得24歲的她更憂心忡忡、指着傷處說：「真係好擔心，因為自己都好想生小朋友，希望冇事啦！」

唔想煩人獨自返家

朱晨麗又指醫生已千叮萬囑要盡量休息，切勿坐梳化和急步行路，之後更要覆診最少四至五次，故她已向公司請假一星期。問在年尾受傷會否影響工作和收入？她說：「本來呢幾日都要開工，依家都要押後，因為我仲要做《歡樂滿東華》同埋啲綜藝節目，醫生都話未知幾時可以完全康復。」並透露無綫已為她購買保險，但因是公司安排，所以不知保額有多少。

行動不便的她，被問為何不找緋聞男友李晉強陪睇醫生？朱晨麗說：「唔想麻煩人，加上預計得太急，所以自己一個睇。其實身邊人都有關心我，佢（李晉強）都有叫我小心。」只見她做完物理治療後行動更緩慢，一邊按着傷處一邊行，然後截的士返回寓所。

朱晨麗Profile

英文名：Rebecca

年齡：24歲

三圍：34、23、34.5

入行經過：有「翻版陳法拉」之稱的朱晨麗於2011參選香港小姐奪得冠軍，今年參演首部電視劇《名媛望族》飾演馬國明的老婆而為人熟悉。

戀情：朱晨麗入行後緋聞多多，有傳她與同屆香港先生冠軍李晉強於2011年底撻着，今年亦先後與電視劇《衝上雲霄Ⅱ》拍檔何君誠及經營投資移民公司的富二代傳緋聞。

文：專案組

為台慶搏命朱晨麗盆骨移位

今年無綫一班小花於台慶跳繩網舞夠晒睇頭，不過上屆港姐冠軍朱晨麗卻於綵排整親腰，連日來痛到喊的她昨日睇專科，驚現盆骨移位！為怕冇仔生，她急做物理治療，更捱2千多針希望移正盆骨。

無綫藝人今年為台慶演出搞到周身傷，上屆港姐冠軍朱晨麗因綵排「女神愛上網」環節整傷腰，雖然她負傷上陣表演，但原來傷勢不輕！昨午4時許，腳踏平底鞋的她獨自現身中環，見她面容憔悴，手持X光片兼腳步緩慢，準備行入一幢商業大廈，她發現記者即說︰「我約咗睇醫生，唔講住！」其後她直上專科診所。

約個半小時後，朱晨麗步出大廈門外時仍不時按着傷處，滿面愁容，她指因前晚十級痛楚，痛到標眼水急急照X光，發現尾龍骨凸出來，即預約昨日看專科醫生︰「整傷後我食止痛藥同貼止痛貼，痛到瞓唔着同流眼淚，所以即刻去照X光，因為好擔心，今日嚟睇專科醫生！」

捱2千多針

經醫生診斷後，證實朱晨麗盆骨移位，而尾龍骨則是舊患：「醫生話我盆骨有事、移咗位，搞到依家有啲高低腳！頭先做咗物理治療同電療，拮咗2千幾針！醫生叮囑我休息多啲，之後仲要覆診！（影響生育？）梗係擔心！希望冇事啦！」她透露無綫已買保險，公司更代她推掉不少工作。對於緋聞男友李晉強未有陪睇醫生？她說︰「唔想麻煩人！其實身邊人都有關心我，佢（李晉強）都有叫我小心！」最後她截的士離開。

Profile

姓名：朱晨麗（Rebecca）

年齡：24歲

三圍：34、23、34.5

入行經過：2011年港姐冠軍，火速接拍劇集《名媛望族》。入行後緋聞多多，包括港男李晉強及何君誠等。

專案組

朱晨麗為台慶演出受傷，昨日照X光驗傷。

朱晨麗的賣命演出，贏了掌聲，傷了盆骨。（資料圖片）

朱晨麗邊行邊摸着傷患，我見猶憐！

朱晨麗睇完醫生後，極速回家休息。

朱晨麗練舞歪盆骨

資料圖片

朱晨麗早前練台慶舞時受傷，行同坐都痛，初時佢去睇跌打以為係骨膜炎，仲死頂做埋台慶，噚日再睇醫生，原來係盆骨移位，仲搞到長短腳，好彩醫生幫佢移番正啲骨。
朱晨麗話每個星期要做一、兩次物理治療同埋多啲休息，之但係，盆骨喎，會唔會影響生育㗎？朱晨麗笑笑口話會醫得好嘅，應該冇乜問題。

醫生：有可能行唔到路

朱晨麗尾龍骨移位凸出一節兼盆骨移位，她擔心會影響生育，不過關嘉美醫生表示，只要接受物理治療，基本上不會影響生育：「如果盆骨移位嚴重，會有可能行唔到路，甚至乎會影響大小便！不過按佢嘅情況，應該唔會對生育有影響！佢最重要係做好物理治療同休息，因為萬一復原得唔好，懷孕嘅時候就會比較麻煩！前面個肚咁重，後面背脊又痛，對大肚婆嚟講真係好辛苦，不過就唔會影響懷孕過程！」

關嘉美醫生

黃智雯傷得有價值

黃智雯有份與朱晨麗等無綫小花為台慶節目《女神愛上網》表演，對於朱晨麗受傷，黃智雯說：「佢受傷嘅時候，我唔在場。今次練咗成個星期，成個星期都好辛苦，我都知佢嘅腰骨扭傷咗，都有慰問佢，希望佢早日康復。」

黃智雯祝朱晨麗早日康復。（資料圖片）

一向有練舞的黃智雯坦言今次練習雖然都有少少瘀傷，兼拉傷肌肉，幸好順利演出，外界亦讚她們表現出色，縱使受傷亦覺值得。她又稱現已沒有大礙，不會影響工作。

葉翠翠骨痛胃痛瞓唔着

早前於家中不慎跣倒至尾龍骨裂的葉翠翠，需停工休息一個月。與朱晨麗同病相憐的翠翠，坦言很明白對方苦況：「希望佢快啲好番！」她又以過來人身份寄語朱晨麗一定要好好休息，翠翠謂：「如果唔好好休息，之後勞損仲麻煩。」

葉翠翠早前在微博上載骨裂的X光片。（資料圖片）

問翠翠身體狀況如何？她謂：「之前行唔到要瞓床，依家食緊三種止痛藥，但食止痛藥又會胃痛，但唔食又唔得，所以都瞓唔到。」雖然骨裂痛楚難當，但翠翠透露下月已接了不少job，故亦會如期工作。

治療不當影響佗B

對於朱晨麗擔心尾龍骨凸出一節及盆骨移位有機會影響生B，家庭醫生關嘉美表示只要復原得好，基本上不會對生育造成影響。她說：「如果盆骨移位嚴重，會有可能行唔到路，甚至乎會影響大小便。不過按佢依家嘅情況，只要做好物理治療同有足夠休息，尾龍骨移位對佢將來懷孕唔會有太大影響。除非佢復原得唔好，懷孕嘅時候就會比較麻煩。前面個肚咁重，後面背脊又痛，對大肚婆嚟講真係好辛苦，不過就唔會影響懷孕過程。」

最緊要下半身幸福

一眾女星專注工作時過於搏命，令下半身不慎受傷，特別是對生育最重要的腰部和盆骨位，令她們非常擔心會影響生BB。

蔡卓妍